We Fight Covid Together

 

ယခု အခါ Covid ဖြစ်ပြီးလို့ပဲ ဖြစ်ဖြစ်၊ ကာကွယ်ဆေး ထိုးပြီးလို့ပဲ ဖြစ်ဖြစ် antibody စစ်တဲ့သူတွေကို အတွေ့များလာပါတယ်။ ဒါကြောင့် ဒီ antibody test တွေနဲ့ ပတ်သက်ပြီး သိသင့်တဲ့ အချက်အလက် တစ်ချို့ကို မျှဝေလိုက်ပါတယ်။ (၁) Antibody ဆိုတာ ဘာလဲ? Corona virus လူရဲ့ ခန္ဓာကိုယ်ထဲ ရောက်သွားတဲ့အခါ လူရဲ့ B lymphocyte တွေက ပြန်လည်ခုခံဖို့ ထုတ်တဲ့ Immunoglobulin (Ig) ဆိုတဲ့ ဓါတ်ကို ခေါ်တာပါ။ အစောပိုင်းကာလ အကြမ်းဖျင်း ပထမ ၁၄ ရက်အတွင်း IgM ဆိုတာထွက်ပြီး နောက်ပိုင်းကာလများမှာ IgG ဆိုတာ ထွက်ပါတယ်။  (၂) ထွက်တဲ့ IgG ဘယ်လောက်ကြာကြာထိ ရှိနေတတ်လဲ? ရောဂါပိုးဝင်လို့ ထွက်တဲ့ IgG က ၃ လ မှ ၆လ (တစ်ချို့လည်း ၉ လ) လောက်အထိ သွေးထဲမှာ ရှိနေတတ်ပြီး နောက်ပိုင်း တဖြေးဖြေး နည်းနည်းသွားတယ်လို့ ဆိုပါတယ်။ ကာကွယ်ဆေး ထိုးလို့ ထွက်တဲ့ IgG ကတော့ ဒီထက်ကြာကြာ ပိုနေတယ်လို့ သုတေသန စစ်တမ်းများအရ သိရပါတယ်။ ဆက်လက် စောင့်ကြည့်နေကြဆဲပါ။ (၃) Ig G ဘယ်နှမျိုး ရှိလဲ? အဓိက ၂ မျိုး ရှိပါတယ်။ SARS CoV2 virus ရဲ့ အတွင်းအနှစ်ထဲမှာရှိတဲ့ Nuclecapsid protein (N - antigen) ကို ခုခံတဲ့ anti N IgG နဲ့ အပြင်ဆုံးက ဆူးတောင်လေးတွေမှာ ရှိတဲ့ Spike protein (S...

🚩🚩🚩1. သိုင်းရိုက် ရောဂါအခံရှိသူရော အခုထိုးပေးတဲ့ဆေး ထိုးလို့ရပါသလား။  💉ဖြေ။ Pfizer/BioNTech, Oxford/AstraZeneca နှင့် Moderna ကိုဗစ်ကာကွယ်ဆေးများအတွက် သိုင်းရွိုက်ဆိုင်ရာဖော်ပြချက်များကို တွေ့ရသော်လည်း Sinopharm, Sinovac ကိုဗစ်ကာကွယ်ဆေးများနှင့် ပတ်သက်၍ သိုင်းရွိုက်ဆိုင်ရာ ဖော်ပြချက်များကို မတွေ့ရှိရပါ။  အဆိုပါ ဖော်ပြချက်များအရ မိမိကိုယ်ခံအားမှ မိမိအား တန်ပြန်တိုက်ခိုက်ခြင်းကြောင့် ဖြစ်ပေါ်သော သိုင်းရွိုက်ရောဂါ (Autoimmune thyroid disease) နှင့် သိုင်းရွိုက်ကင်ဆာကဲ့သို့သော ရောဂါများတွင် သိုင်းရွိုက်ဟော်မုန်း မူမမှန်ခြင်းကြောင့် ဖြစ်ပေါ်သော ရောဂါလက္ခဏာများအား ကောင်းစွာထိန်းချုပ်နိုင်သည့် အခြေအနေတွင်ရှိပါက ကိုဗစ်ကာကွယ်ဆေးများကို ထိုးနှံနိုင်ပါတယ်။ ကာကွယ်ဆေးမထိုးမီ မိမိအား ကုသမှုပေးနေသည့် ဆရာဝန်နှင့် ကြိုတင်တိုင်ပင်ဆွေးနွေးရန် လိုအပ်ပါတယ်။  Ref: https://www.thyroid.org/.../coronavirus-frequently.../....       https://www.btf-thyroid.org/covid-19-and-vaccines  🚩🚩🚩2. လေဖြတ်ထားတဲ့သူအခုတော့နဲနဲသက်သာနေပါပြီ။ ကာကွယ်ဆေးထိုးလို့ရလားရှင့်ဖြေပေးပါနော်။...

🚩🚩🚩1. ကိုဗစ်မျိုးကွဲ Delta ,Delta plus, lambda တို့အကြောင်းရှင်းပြပေးပါ။ ဖြေ။ ပထမဦးစွာ ကိုဗစ်မျိုးကွဲများနှင့် ပတ်သက်၍ ရှင်းလင်းချက်ကို https://www.facebook.com/ckcmohnugmm/posts/121940573491531 မေးခွန်း (၁) တွင် ကျေးဇူးပြု၍ ဖတ်ပေးပါ။  ဩဂုတ်လ ၁၀ ရက်နေ့ အထိ အချက်အလက်များအရ နိုင်ငံပေါင်း ၁၄၂ နိုင်ငံတွင် Delta မျိုးကွဲ ပျံနှံ့လျက် ရှိပါတယ်။ Delta မျိုးကွဲမှာ ယခင်မျိုးကွဲများထက် ကူးစက်မှုနှုန်း နှစ်ဆပိုမိုမြန်ဆန်ကြောင်း ဆိုပါတယ်။  Delta plus မျိုးကွဲမှာမူ ဗိုင်းရပ်စ်၏ မျက်နှာပြင်ရှိ ပရိုတိန်းအဖုလေးများတွင် အနည်းငယ်ပြောင်းလဲခြင်းသာ ဖြစ်သဖြင့် Delta မျိုးကွဲ၏ အမည်အောက်တွင်သာ ထည့်သွင်းဖော်ပြထားပါတယ်။ ယခုအချိန်အထိ Delta plus မျိုးကွဲကူးစက်မှုများကို အနည်းငယ်သာ တွေ့ရပါသေးတယ်။ ယခုကမ္ဘာ့ကျန်းမာရေးအဖွဲ့ကြီးမှ ခွင့်ပြုထားသော ကိုဗစ်ကာကွယ်ဆေးအများစုမှာ Delta မျိုးကွဲများကြောင့်ဖြစ်သော ရောဂါပြင်းထန်မှုနှင့် သေဆုံးခြင်းများကို လျော့ကျစေနိုင်ကြောင်း တွေ့ရှိထားပါတယ်။  ယခုအချိန်အထိ ရရှိသောအချက်အလက်များအရ အမေရိကန်နိုင်ငံနှင့် တောင်အမေရိကနိုင်ငံများတွင် Lambda မျိုးကွဲကူးစက်မှုများ ဖြစ်ပေါ်...

🚩🚩🚩1. ကိုဗစ်ဖြစ်ပီး ရုံးပြန်တက်ရတဲ့ရုံးသမားတွေ ထမင်းစားစဉ် အဲယားကွန်းခန်းထဲမှာဆိုအဲကွန်းလေကတစ်ဆင့်  ပါးစပ်ထဲ ကိုဗစ်ပိုး၀င်နိုင်လား နောက်ပီးရုံးကစုပေါင်းတက်ကြတဲ့ ရုံးသုံးအိမ်သာကို (ဗိုလ်ထိုင်မဟုတ်ပါ) ပိုးကူးစက်မှု နည်းအောင် ဘယ်လို ကာကွယ်မှုလုပ်ပီးတက်ရမလဲ ရှင်။ ဖြေ - 👉 အပူပေးစနစ်၊ လေ၀င်လေထွက်စနစ်နှင့် လေအေးပေးစနစ် (Heating, ventilation, and air conditioning) HVAC system ၏လေဝင်ပိုက်လိုင်းများ၊ လေစစ်များတွင် ကိုဗစ်ပိုး၏ RNA ကိုတွေ့ရှိရသည်ဆိုသော်လည်း ထိုတွေ့ရှိရသောပိုးသည် အသက်ရှင်မှုရှိမရှိကို မသိနိုင်ပါ။ ထို့ကြောင့် HVAC system မှတစ်ဆင့် ကိုဗစ်ပိုးကူးစက်နိုင်ခြေနှင့် ပတ်သက်၍ ယခုအချိန်ထိ တိကျစွာမသိရှိရသေးပါ။ သို့သော် ကိုဗစ်ဖြစ်စေသောပိုးသည် အဆောက်အအုံပြင်ပထက် အဆောက်အအုံထဲတွင် ပို၍ ပမာဏများနိုင်ပြီး ပိုမိုကူးစက်စေနိုင်ပါသည်။ ထို့ကြောင့် အဆောက်အအုံများကို လေဝင်လေထွက်ကောင်းအောင်ဆောင်ရွက်ရန် လိုအပ်ပါသည်။  အဆောက်အအုံများအတွင်း ပိုးကူးစက်မှုလျှော့ချနိုင်ရန် အောက်ပါအချက်များကိုလုပ်ဆောင်နိုင်ပါသည်။ - ပြတင်းပေါက်များ၊ တံခါးများကို ဖွင့်ထားခြင်း - ပြတင်းပေါက်တွင်တပ်ဆင်ထားသောပန်ကာများ ( wi...

🚩🚩🚩1. ကျွန်တော့မှာ autoimmune နဲ့ COPD ရောဂါတွေရှိလို့ကာကွယ်ဆေးထိုးလို့ရမရသိချင်လို့ပါခင်ဗျ။ 🚩🚩🚩autoimmue ရောဂါရှိလျှင် ကိုဗစ်ကာကွယ်ဆေးထိုးလို့ရပါသလား။  auto immue ရောဂါကို ပျောက်အောင် ကုသလို့ရပါသလား။  autoimmue အတွက် ရောဂါမပျောက်တောင် ရောဂါအသက်သာဆုံးနဲ့အကောင်းဆုံး ဘာဆေးစားပြီး ဘယ်လိုနေထိုင်ရပါမည်လဲ။ 💉ဖြေ။ COPD ကဲ့သို့သော နာတာရှည် အသက်ရှူလမ်းကြောင်းဆိုင်ရာရောဂါများတွင် ကိုဗစ်ကာကွယ်ဆေးထိုးနိုင်ပါတယ်။ Autoimmune ရောဂါ (မိမိကိုယ်ခံအားစနစ်က မိမိခန္ဓာကိုယ်အား ပြန်လည်ထိခိုက်စေသောရောဂါ) ရှိသူများတွင်လည်း ကိုဗစ်ကာကွယ်ဆေး ထိုးနိုင်ပါတယ်။ သို့သော် Autoimmune ရောဂါရှိသူများတွင် ကိုဗစ်ကာကွယ်ဆေး၏ ဘေးကင်းစိတ်ချရမှုနှင့် ပတ်သက်၍ သုတေသနအချက်အလက်များ ပြည့်စုံစွာ မရှိသေးပေ။  ကာကွယ်ဆေးဆိုင်ရာ အချို့သုတေသနစမ်းသပ်မှုများတွင် Autoimmune ရောဂါရှိသူများ ပါဝင်ကြသော်လည်း သုတေသနဆိုင်ရာ အချက်အလက်များနှင့် ပတ်သက်၍ ဆက်လက်လေ့လာရန် လိုအပ်လျက်ရှိနေပါသေးတယ်။  ထို့ပြင် Autoimmune ရောဂါများမှာ အမျိုးအစား အမျိုးမျိုးဖြစ်နိုင်သဖြင့် ကျွမ်းကျင်သော အထူးကုသမားတော်နှင့် ပြသရန် အကြံပေးလိုပါတယ်။  ?...

🚩🚩🚩1. ကိုဗစ် ကူးစက်ပီး ရက်အကန့်အသတ် ဘယ်လောက်တွင် ကျန်းမာရေး စိတ်ချရသူ တယောက်ပြန်ဖြစ်နိုင်ပါသလဲ။ ဥပမာ သွေးခဲခြင်းကဲ့သို့ နောက်ဆက်တွဲရောဂါကြောင့် အသက်အန္တရယ် မဖြစ်နိုင်တော့ဘူး စိတ်ချ ရသူဖြစ်နိုင်ပီ ဟု ဆိုနိုင်ပါသလဲ။  ဖြေ။ ကိုဗစ်ရောဂါ ခံစားရသူအများစုမှာ သီတင်းပတ် အနည်းငယ်အတွင်း  သက်သာသွားလေ့ရှိပါတယ်။ နောက်ဆက်တွဲရောဂါလက္ခဏာများ ခံစားရနိုင်မှုကာလမှာ တစ်ဦးနှင့် တစ်ဦး မတူကွဲပြားနိုင်သဖြင့် အတိအကျမပြောနိုင်ပါ။ အချို့မှာ ၃ လခန့်တွင် သက်သာသွားလေ့ရှိပြီး အခြားသူများမှာ ထို့ထက်ပို၍ ကြာနိုင်ပါတယ်။ ထို့ပြင် ရောဂါလက္ခဏာများ ခံစားရပုံခြင်းမှာ တစ်ဦးနှင့် တစ်ဦး တူညီမှု မရှိသကဲ့သို့ နောက်ဆက်တွဲဖြစ်ပေါ်နိုင်သည့် ရောဂါလက္ခဏာများမှာလည်း အမျိုးမျိုးဖြစ်ပွားနိုင်ပြီး ၎င်းတို့ကို လေ့လာနေဆဲဖြစ်ပါတယ်။ သွေးခဲခြင်းကဲ့သို့ နောက်ဆက်တွဲရောဂါများ ဖြစ်ပေါ်နိုင်ခြင်း ရှိမရှိ ဆိုသည်မှာ သွေးခဲခြင်းကို ဖြစ်စေနိုင်သော ယခင်ရောဂါအခံများရှိမရှိ၊ ယခုခံစားရသော ကိုဗစ်ရောဂါကြောင့် ခန္ဓာကိုယ်တွင် ထိခိုက်မှု အတိုင်းအတာ၊ သွားလာနေထိုင်မှုအကျင့်စရိုက်စသည်တို့ပေါ်တွင် မူတည်နိုင်မည်ဟု ယူဆရပါတယ်။ ထိုကဲ့သို့ နောက်ဆက်တွဲရောဂါမျာ...

🚩🚩🚩1. Q10, D3, Zinc ဆေးတွေရဲ့  လုပ်ဆောင်ချက်ကလေးတွေ သိချင်လို့ပါ။ ဖြေ-  ၁. #Q10,CoQ10,Coenzyme Q10 ဆိုတာ လူ့ခန္ဓာကိုယ်ထဲမှာ သဘာဝအတိုင်းဖြစ်ပေါ်နေတဲ့ ဓာတ်တစ်မျိုးပါ။ ကျနော်တို့နေ့စဉ်စားသောက်နေတဲ့ အစားအစာတွေထဲမှာလည်းပါပါတယ်။ CoQ10 ဟာ #ဓာတ်တိုးဆန့်ကျင့်တဲ့သတ္တိရှိပြီး လူ့ခန္ဓာကိုယ်က #ဆဲလ်တွေပျက်စီးခြင်းမှကာကွယ်ပြီး #ဇီဝရုပ်ဖြစ်ပျက်ခြင်းမှာလည်း အဓိကနေရာက ပါဝင်ပါတယ်။ ကျန်းမာတဲ့လူအများစုမှာ သဘာဝအားဖြင့် CoQ10 ဓာတ် အလုံအလောက်ရှိပါတယ်။ အသက်အရွယ်ကြီးရင့်လာတာ နဲ့ တချို့သောရောဂါတွေကြောင့် CoQ10 ပမာဏလျော့နည်းလာတတ်ပါတယ်။ CoQ10 supplements ဖြည့်စွက်စာ သုံးစွဲခြင်းအားဖြင့် သွေးပေါင်ချိန် အနည်းငယ် ကျစေပြီး နှလုံးရောဂါနှင့် အချို့ နှလုံးနဲ့ဆိုင်တဲ့ ဝေဒနာတွေကို လျော့နည်းစေတယ်လို့ဆိုပေမဲ့ သက်သေအထောက်အထားတွေက မခိုင်လုံသေးပါဘူး။ ၂.#D3,Vitamin D3,cholecalciferol ဆိုတာ အဆီမှာပျော်ဝင်တဲ့ vitamin သက်စောင့်ဓာတ်တစ်မျိုးဖြစ်ပါတယ်။ လူ့ခန္ဓာကိုယ် မှာ #ကယ်လ်ဆီယမ်(Calcium )နဲ့ဖော့စ်ဖရပ်စ်(Phosphorous )ဓာတ်တွေကိုစုပ်ယူရာမှာ vitamin D က ကူညီပေးပါတယ်။ Vitamin D ရယ် Calcium နဲ့ phosphorous က ခန္ဓာကိုယ်က အရိုး...

🚩🚩🚩1. Covid ကို ကြိုတင်ကာကွယ်ဖို့အတွက် Immune System ကောင်းအောင် သောက်သုံးကြတဲ့ ဆေးဝါးတွေ (ဥပမာ - Cevit, D3, Zinc, Omega-3, etc... ) ရဲ့ တစ်နေ့ကို သောက်သုံးသင့်တဲ့ အများဆုံး mg ဘယ်လောက်ဆိုတာလေး ပြောပြပေးစေချင်ပါတယ် - အားဆေးများသည် ဖြည့်စွက်ဓာတ်စာသဘောသာ ဖြစ်ပါသည်။ ကိုဗစ်ကာကွယ်နိုင်တယ်လို့ တိတိပပ အထောက်အထား မရှိသောကြောင့် သောက်ခြင်း၊ မသောက်ခြင်းသည် မိမိသဘောသာ ဖြစ်ပါသည်။ - ပုံမှန်အားဖြင့် အစာအာဟာရဓာတ်စုံလင်မျှတစွာ စားနိုင်သူတစ်ယောက်အဖို့ အားဆေးမလိုအပ်ပါ။ သက်စောင့်ဓာတ်ခေါ် ဗီတာမင် (Vitamin) များသည် #နေ့စဥ်စားသောက်နေသည့် အစားအသောက်များထဲ ပါဝင်ပြီး ဖြစ်သည်ကိုလည်း သတိပြုစေလိုပါသည်။ သက်ကြီးရွယ်အိုများ၊ ကိုယ်ဝန်ဆောင်မိခင်များ၊ အာဟာရဓာတ်ချို့တဲ့သူများ၊ ရောဂါကြောင့် အူလမ်းကြောင်းမှ အာဟာရဓာတ် ကောင်းစွာ မစုပ်ယူနိုင်သူများသာ အားဆေးလိုအပ်ပါသည်။ - အားဆေးတံဆိပ်အများအပြားရှိသည့်အလျောက် သောက်သည့်တံဆိပ်အလိုက် #ဆေးအကြိမ်အရေအတွက်ကွာနိုင်ပါသည်၊ မသောက်မီ ဆေးအကြောင်း နားလည်တတ်ကျွမ်းသူ #ဆရာဝန်များနှင့်တိုင်ပင်ပါ။ - ငါးကြီးဆီ (Omega 3) အပါအဝင် အားဆေးဘူးခွံ/ ဆေးကဒ်များတွင် တစ်နေ့လျှင် သောက်ရမည့် ပမာဏရေးထားလေ့ ...

🚩🚩🚩1. ကိုဗစ်မဟုတ်ဘဲ ဘာရောဂါတွေကြောင့် အောက်စီဂျင်ကျတတ်ပါလဲ။ ကျေးဇူးပြု၍ဖြေကြားပေးပါရှင့်။   ဖြေ။ ခန္ဓာကိုယ်အတွင်းရှိ ဆဲလ်များနှင့်တစ်ရှူးများ အောက်ဆီဂျင်ကောင်းစွာရရန် အဓိကအားဖြင့် အောက်ပါအချက်တို့ပေါ် မူတည်ပါတယ်။ ရှူသွင်းလိုက်သောလေတွင် လုံလောက်သော အောက်ဆီဂျင်ရှိခြင်း၊ အဆုတ်သည် အောက်ဆီဂျင်ပါသောလေကို ရှူသွင်းနိုင်စွမ်းရှိခြင်းနှင့် ကာဗွန်အောက်ဆိုဒ်ဓာတ်ကို ရှူထုတ်နိုင်စွမ်းရှိခြင်း၊ သွေးကြောအတွင်းရှိသွေးများ၊ သွေးနီဥများသည် အဆုတ်သို့ ရောက်ရှိပြီး အောက်ဆီဂျင်ကို သယ်ဆောင်လျက် ခန္ဓာကိုယ်အနှံ့သို့ ပြန်လည် ဖြန့်ဝေပေးနိုင်စွမ်းရှိခြင်းတို့ပေါ် မူတည်ပါတယ်။ ၎င်းအချက်များတစ်ခုခုတွင် ချို့ယွင်းခြင်း ဖြစ်ပေါ်ပါက သွေးတွင်းအောက်ဆီဂျင်ကျဆင်းခြင်း ဖြစ်ပေါ်တတ်ပါတယ်။ အောက်ဆီဂျင်ကျဆင်းစေသော အဖြစ်များသည့် ရောဂါများမှာ သွေးအားနည်းရောဂါ၊ ရုတ်တရက် အသက်ရှူလမ်းကြောင်းပျက်စီးသောရောဂါ၊ ပန်းနာရင်ကြပ်ရောဂါ၊ အဆုတ်ပွရောဂါ၊ မွေးရာပါနှလုံးရောဂါ၊ နာတာရှည်အဆုတ်ရောင်ရောဂါ၊ အဆုတ်ထိခိုက်သော ရောဂါ၊ နမိုးနီးယားအဆုတ်ရောင်ရောဂါ၊ အဆုတ်အပြင်ဘက်အမြှေးပါးအတွင်းလေဝင်ခြင်း၊ အဆုတ်ရေလွှမ်းခြင်း၊ အဆုတ်သွေးကြောများအတွင်း သွေးခ...

🚩🚩🚩1. ကိုဗစ်ကာကွယ်ဆေးထိုးပြီး ကိုယ်ဝန်ဆောင်လို့ရလားရှင့်။  💉ဖြေ။ ရပါတယ်။ ကိုဗစ်ကာကွယ်ဆေးများသည် ကိုယ်ဝန်ရနိုင်ခြေပေါ်တွင် ထိခိုက်စေနိုင်သည်ဟူသော သက်သေများ မရှိပါ။ ကာကွယ်ဆေးထိုးပြီးနောက်ပိုင်းတွင် ဆိုးကျိုးများ ဖြစ်လာမည်ကို စိုးရိမ်သောကြောင့် ကိုယ်ဝန်မရအောင် ရှောင်ကြဉ်ရန်လည်း မလိုအပ်ပါ။ ဩစတြေးလျနိုင်ငံတွင် လေ့လာမှုအရ ယခုအချိန်အထိ ကိုဗစ်ကာကွယ်ဆေးကြောင့် သန္ဓေသားနှင့် မျိုးပွားအင်္ဂါများကို ထိခိုက်စေနိုင်သော အထောက်အထားများ မတွေ့ရှိရသေးကြောင်း ဆိုပါတယ်။ ထို့ပြင် ကိုယ်ဝန်ဆောင်နောက်ဆက်တွဲလက္ခဏာများ ဖြစ်ပေါ်စေနိုင်သော အထောက်အထားများ မတွေ့ရသည့်အပြင် ကာကွယ်ဆေးထိုးထားခြင်းဖြင့် ကိုဗစ်ရောဂါကြောင့် ဖြစ်နိုင်သော ကလေးအသေမွေးခြင်းကို လျော့ကျစေနိုင်သည်ဟု ဆိုပါတယ်။  Ref: https://www.abc.net.au/.../covid-19-vaccine-can.../100346746   https://www.nhs.uk/.../pregnancy-breastfeeding-fertility.../   🚩🚩🚩2. ART ဆေးသောက်နေရသူတွေ ကာကွယ်ဆေးထိုးလို့ရ၊ မရနှင့်၊ ထိုးသင့်၊မသင့်လေး သိချင်ပါတယ်။ ကျေးဇူး ပြုပြီးဖြေပေးပါနော်။  💉ဖြေ။ ကိုဗစ်ကာကွယ်ဆေးအများစုကို အိတ်ချ်အိုင်ဗီရောဂါပိုးကူးစက်ခ...

🚩🚩🚩1. မေး- COVID ကူးစက်ခံရပြီး လူနာများ ပထမတစ်ပတ်အတွင်း Favipiravir သောက်ဆေးများ ဆရာဝန်ညွှန်ကြားချက်နှင့်အညီသောက်ကြပါသည်။ ဘေးထွက်ဆိုးကျိုးနှင့် ဆောင်ရန်ရှောင်ရန်များ သတိထားရန်များ သိလိုပါသည်ခင်ဗျ။ မေး- ကိုဗစ်လက္ခဏာ အနည်းငယ် ခံစားရတဲ့သူက antiviral oral ဆေးသောက်လို့ရပါသလား။ ဖြေ- Antiviral ဆေးတစ်မျိုးဖြစ်သော Favipiravir ဆေးသည် ဂျပန်နိုင်ငံ၌ တုပ်ကွေးရောဂါကို ကုသရန် ၂၀၁၄ ခုနှစ်တွင် ဂျပန်နိုင်ငံ၊ Toyama Chemical မှထုတ်လုပ်သော ဆေးဖြစ်သည်။ ယခုအခါ ထိုဆေးကို ကိုဗစ်ရောဂါ ကုသရန် ဂျပန်၊ ရုရှား၊ အိန္ဒိယ နှင့် အချို့နိုင်ငံများတွင် စမ်းသပ်သုံးစွဲလျက်ရှိသည်။ Favipiravir ဆေးဖြင့်ကုသရာတွင် ရောဂါလက္ခဏာ နှင့် ဓာတ်မှန်အခြေအနေများ၌ တိုးတက်မှုရှိသည်ဟုဆိုသော်လည်း ရောဂါကြောင့်သေဆုံးနိုင်ချေ လျော့ချခြင်း နှင့် အောက်စီဂျင်လိုအပ်မှုနှုန်းတို့တွင် ကွဲပြားခြားနားခြင်းမရှိဟု ဆိုသည်။ Favipiravir ဆေးဖြင့် ကိုဗစ်ရောဂါကုသခြင်းအား ဆက်လက်လေ့လာနေကြဆဲဖြစ်သည်။ #Favipiravirဆေးရဲ့ဘေးထွက်ဆိုးကျိုးအနေနဲ့ ဆေးမတည့်ခြင်းကြောင့် သွေးလန့်ခြင်း၊ အဆုတ်ရောင်ခြင်း၊ အသည်းရောင် အသားဝါခြင်း၊ ဆေးမတည့်ခြင်းကြောင့်ဖြစ်သော အရေပြားပြဿနာ၊ ကျော...

🚩🚩🚩1. covid positive ဖြစ်နေတာက လက္ခဏာတွေ မပြရင်ဘယ်လိုသိနိုင်လဲ။ သိချင်ပါတယ်။ အကောင်းချည်းက စကားပြောရင်း သေဆုံးနေတာတွေ တွေ့နေရလို့ပါ။  ဖြေ။ ရောဂါလက္ခဏာများ ခံစားရပုံခြင်းမှာ တစ်ဦးနှင့်တစ်ဦး တူညီမှုမရှိပါ။ ထို့ပြင် ရောဂါလက္ခဏာများ ပြင်းထန်မှု၊ မပြင်းထန်မှုမှာလည်း တသမတ်တည်း မရှိဘဲ အချိန်နှင့် အမျှ ပြောင်းလဲနေနိုင်ပါတယ်။ အများစုမှာ သာမာန်လက္ခဏာများ ခံစားရပြီး ရက်အနည်းငယ်အကြာတွင် သက်သာသွားတတ်ပါတယ်။ အချို့မှာမူ သာမန်လက္ခဏာအနည်းငယ်ခံစားရပြီးနောက်တွင် ရုတ်တရက် ရောဂါပြင်းထန်လာခြင်းမျိုးလည်း ဖြစ်နိုင်ပါတယ်။ အချို့လူနာများတွင် သွေးတွင်းအောက်ဆီဂျင်ကျဆင်းခြင်းများ ရှိနေသော်လည်း ၎င်းနှင့်ဆက်စပ်သည့် လက္ခဏာများဖြစ်သော အသက်ရှူမြန်ခြင်း၊ အသက်ရှူရခက်ခဲခြင်း၊ နှလုံးခုန်မြန်ခြင်း၊ ရင်ဘတ်အောင့်ခြင်း၊ ၊ ခေါင်းကိုက်ခြင်း၊ စိတ်ရှုပ်ထွေးခြင်းနှင့် ကနာမငြိမ်ဖြစ်ခြင်း စသည်တို့ ခံစားရခြင်းများ မရှိဘဲ ဖြစ်နေတတ်ပါတယ်။ ၎င်းကို Silent Hypoxia (တိတ်တဆိတ် အောက်ဆီဂျင်ကျဆင်းခြင်း) ဟု ခေါ်ပြီး ကိုဗစ်နိုင်တင်းရောဂါ၏ ထူးခြားသော ဝိသေသတစ်ခုလည်း ဖြစ်ပါတယ်။ ထိုသို့သော အခြေအနေမျိုးတွင် အချိန်လွန်မှ သတိထားခြင်းမျိုးများ ဖြစ...

🚩🚩🚩1. မေး-Covid ဖြစ်ပြီးD-Dimer 745လောက်ဖြစ်နေပါတယ်ခင်ဗျ။ အခုဆရာဝန် ကEnorza-0.6 (၇)ရက်ထိုးခိုင်းထားပါတယ်။ဘာလို့ထိုးလည်းသိချင်လို့ပါခင်ဗျ။ ဖြေ-  Enoxaprin(0.4/0.6) ဆိုတာ low molecular weight heparin (LMWH) အမျိုးအစားတစ်ခုဖြစ်ပါတယ်။ ပြင်းထန် ကိုဗစ်-၁၉ရောဂါကြောင့် နောက်ဆက်တွဲဆိုးကျိုးတွေထဲက တစ်ခုဖြစ်တဲ့ သွေးခဲခြင်း၊ အဆုတ်သွေးကြောထဲ သွေးခဲပိတ်ဆို့ခြင်းတို့ကို မဖြစ်စေဖို့ ကုသဖို့ အတွက် အရေပြားအောက်ကို ထိုးသွင်းရတဲ့ သွေးခဲပျော်ဆေး တစ်မျိုးဖြစ်ပါတယ်။ သက်ဆိုင်ရာ ဆရာဝန်၏ ညွှန်ကြားချက်ဖြင့် လိုအပ်သော သွေးစစ်ဆေးမှုတို့ကို ပြုလုပ်ပြီးရင် ဆေးမပေးရသော အခြေအနေများမရှိရင် ပေးနိုင်ပါသည်ဟု ကျန်းမာရေးဝန်ကြီးဌာန၊အမျိုးသားညီညွတ်ရေး အစိုးရက လမ်းညွှန်ထားပါသည်။ အောက်ပါလင့်ခ်ကို ဖတ်ပေးပါ။ https://www.facebook.com/104312615254327/posts/113818450970410/?d=n 🚩🚩🚩2. မေး- ကိုဗစ်ဖြစ်နေတဲ့ အချိန် ဆေးလိပ်သောက်လို့ ရပါသလားခင်ဗျ။ 🚩🚩 🚩 အောက်ဆီဂျင် ၉၀အောက် ကျခဲ့တဲ့ လူတစ်ယောက်က recovery stage မှာပဲ ဆေးလိပ်ပြန်သောက်နေရင် ဘာဆိုးကျိုးရှိမလဲရှင့်။ ဖြေ- ကိုဗစ်ဖြစ်နေစဉ် ဖြစ်ပြီးမှ မဟုတ်ဘဲ ဘယ်လို အခြေအနေမျိုးမှာမှ ဆေး...

🚩🚩🚩1. အိမ်မှာ ကိုဗစ်ဖြစ်ပြီး ဆေးရုံကဆင်းလာတဲ့သူ ကားလာပြင်ပါတယ်။ ဆေးရုံဆင်းတာ ၂ ရက်ပဲရှိပါသေးတယ်။ စိုးရိမ်စရာ ရှိလားရှင့်။ ချောင်းဆိုးပြီး တံတွေး လျောက်ထွေးနေလို့ပါ။ ဖြေ - ကိုဗစ်ဖြစ်သူသည် ရောဂါလက္ခဏာစပေါ်သည့်ရက်မှ အနည်းဆုံး ၁၀ရက်အပြင် ရောဂါလက္ခဏာများသက်သာပြီး ကိုယ်ပူကျဆေးမသောက်ဘဲ ကိုယ်ပူမရှိတာ ၂၄နာရီပြည့်လျှင် အခြားသူအားပိုးမကူးစက်စေနိုင်တော့ပါ။ ကိုဗစ်ရောဂါပြင်းထန်သူများနှင့် ကိုယ်ခံအားနည်းသူတို့တွင် ရက်ပေါင်း ၂၀ကျော်သည်အထိ အခြားသူအားကူးစက်စေနိုင်ပါသည်။  ယခုဆေးရုံဆင်းလာသူ၏ ဖြစ်ပွားခဲ့သော ရောဂါအခြေအနေနှင့် ဆေးရုံတက်ခဲ့သောရက်အား အတိအကျမသိရသဖြင့် သေချာစွာမဖြေပေးနိုင်ခြင်းအတွက် တောင်းပန်ပါသည်။ ထိုသူနှင့် ၆ပေအကွာတွင်ရှိပြီး မိမိသည် mask သေချာစွာတပ်ထားလျှင် မစိုးရိမ်ရပါ။ တံတွေးထွေးထားသောမျက်နှာပြင်အား သေချာစွာပိုးသန့်စင်ပြီး လက်ကိုသေချာစွာဆေးကြောပါက ပိုးကူးစက်မှုကို ကာကွယ်နိုင်ပါသည်။ ကိုဗစ်ကူးစက်ခြင်းမှကာကွယ်ရန် mask ကိုစနစ်တကျတပ်ဆင်ခြင်း၊ လက်ကိုမကြာခဏ သေချာစွာဆေးကြောခြင်း၊ ၆ပေခွာနေထိုင်ခြင်း၊ လက်ဖြင့် မျက်စိ နှာခေါင်း နှင့် ပါးစပ်တို့ကို မထိခြင်း၊ အဆောက်အဦးအား လေဝင်လေထွက်ကောင်းအောင်ပြ...

🚩🚩🚩1. indiaနိူင်ငံထုတ် covid shield တံဆိပ်ကာကွယ်ဆေးကိုအပြင်ဆေးဆိုင်တွေမှာရောင်းချတာတွေ့ခဲ့ပါတယ်။ အဲ့ဆေးက ရေခဲမှတ်အောက်မှာသိမ်းဆည်းထားမှ အရည်အသွေးပြည့်ဝတယ်ကြားဖူးလို့။ ဆိုင်တွေကဒီတိုင်းကောင်တာထဲထည့်ရောင်းထားတဲ့ဆေးကိုဝယ်ပြီးထိုးရင် ထိရောက်ပါ့မလားဆရာ။ covid shieldရဲ့ storageလုပ်ရမယ့်အချက်ကိုလည်းဗဟုသုတအဖြစ်သိချင်ပါတယ်။   💉ဖြေ။ အဖုံးမဖွင့်ရသေးသော Covishield ကာကွယ်ဆေးကို #အပူချိန် ၂ ဒီဂရီမှ ၈ ဒီဂရီ ဆဲစီးယပ်စ် ရှိသော ရေခဲသေတ္တာတွင်ထား၍ သိမ်းဆည်းထားပါက စတင်ထုတ်လုပ်သည့်ရက်မှ သက်တမ်း ၆ လ အထိ အသုံးပြုနိုင်ပါတယ်။ Covishield ကာကွယ်ဆေးကို #ရေခဲမှတ်အောက်တွင်အေးခဲစေ၍သိမ်းဆည်းခြင်းလုံးဝမပြုလုပ်ရပါ။ သိမ်းဆည်းရာတွင် ကာကွယ်ဆေးပုလင်းကို အတည့်ထောင်ထားပြီး သိမ်းဆည်းရပါမယ်။ ဆေးထိုးခါနီးအချိန်မှသာ ကာကွယ်ဆေးကို ရေခဲသေတ္တာမှ ထုတ်ယူပြီး သတ်မှတ်ထားသော အပူချိန် (၂ ဒီဂရီမှ ၈ ဒီဂရီ ဆဲစီးယပ်စ်) ကိုကောင်းစွာထိန်းနိုင်သော ရေခဲပုံးများဖြင့် သယ်ဆောင်၍ ထိုးနှံရမှာ ဖြစ်ပါတယ်။  ကာကွယ်ဆေးကို နေရောင်တိုက်ရိုက် မထိရပါ။ အဖုံးဖွင့်ပြီးသော ကာကွယ်ဆေးကို အခန်းအပူချိန်တွင် စုစုပေါင်းကြာချိန် ၆ နာရီထိသာ အသုံးပြုရမှာ ...

🚩🚩🚩1. Menstruation လာရမယ့်အချိန်မှာ covidပိုးဝင်သွားလို့ Menstruationမလာတော့တာ ဆိုင်လားရှင့်။  covidဝင်နေချိန် ဆေးသောက်ရတာများပြီး အသားရေပြောင်းလဲမှုရော ဖြစ်တတ်လားရှင့်။   ဖြေ။ ရောဂါပိုးကူးစက်ခြင်း အပါအဝင် ခန္ဓာကိုယ်တွင် ကြီးမားသော Stress ဖိစီးမှုများ ဖြစ်ပွားသည့်အခါ ဟော်မုန်းဆိုင်ရာ ပြောင်းလဲမှုများ ဖြစ်ပေါ်တတ်ပြီး ဓမ္မတာ ရာသီသွေး အပြောင်းအလဲများ ဖြစ်ပေါ်တတ်ပါတယ်။ ကိုဗစ်ရောဂါကြောင့် အရေပြားဆိုင်ရာ လက္ခဏာများလည်း ခံစားရနိုင်ပါတယ်။ အောက်ပါလင့်ခ်တွင် ကျေးဇူးပြု၍ ဖတ်ပေးပါ။ https://www.facebook.com/ckcmohnugmm/posts/113571524328436  🚩🚩🚩2. Day 21 နောက်ပိုင်းမှာရော အောက်ဆီဂျင်ကျတတ်ပါသလား။ Day 1 to 21 ထိ SpO2 က 99/98 ပါ။   ဖြေ။ ရောဂါလက္ခဏာ ခံစားရမှုများမှာ တစ်ဦးနှင့်တစ်ဦး တူညီမှု မရှိပါ။ ရောဂါပြင်းထန်မှု ရှိမရှိမှာ ကိုယ်ခံအားအခြေအနေ၊ အခြားရောဂါများ ရှိမရှိ၊ ဗိုင်းရပ်စ်ပိုးမျိုးကွဲ၏ သဘောသဘာဝတို့တွင်လည်း မူတည်ပါတယ်။ ရောဂါပိုးကူးစက်ခံရသူ အများစုမှာ လက္ခဏာစတင်ခံစားရချိန်မှစ၍ ၁ ပတ်မှ ၂ ပတ်အတွင်း သက်သာသွားလေ့ရှိပါတယ်။ အချို့သူများမှာ ဒုတိယအပတ်မှစ၍ ပြင်းထန်သောရောဂါ...