🚩🚩🚩1. သိုင်းရိုက် ရောဂါအခံရှိသူရော အခုထိုးပေးတဲ့ဆေး ထိုးလို့ရပါသလား။
💉ဖြေ။ Pfizer/BioNTech, Oxford/AstraZeneca နှင့် Moderna ကိုဗစ်ကာကွယ်ဆေးများအတွက် သိုင်းရွိုက်ဆိုင်ရာဖော်ပြချက်များကို တွေ့ရသော်လည်း Sinopharm, Sinovac ကိုဗစ်ကာကွယ်ဆေးများနှင့် ပတ်သက်၍ သိုင်းရွိုက်ဆိုင်ရာ ဖော်ပြချက်များကို မတွေ့ရှိရပါ။
အဆိုပါ ဖော်ပြချက်များအရ မိမိကိုယ်ခံအားမှ မိမိအား တန်ပြန်တိုက်ခိုက်ခြင်းကြောင့် ဖြစ်ပေါ်သော သိုင်းရွိုက်ရောဂါ (Autoimmune thyroid disease) နှင့် သိုင်းရွိုက်ကင်ဆာကဲ့သို့သော ရောဂါများတွင် သိုင်းရွိုက်ဟော်မုန်း မူမမှန်ခြင်းကြောင့် ဖြစ်ပေါ်သော ရောဂါလက္ခဏာများအား ကောင်းစွာထိန်းချုပ်နိုင်သည့် အခြေအနေတွင်ရှိပါက ကိုဗစ်ကာကွယ်ဆေးများကို ထိုးနှံနိုင်ပါတယ်။ ကာကွယ်ဆေးမထိုးမီ မိမိအား ကုသမှုပေးနေသည့် ဆရာဝန်နှင့် ကြိုတင်တိုင်ပင်ဆွေးနွေးရန် လိုအပ်ပါတယ်။
Ref: https://www.thyroid.org/.../coronavirus-frequently.../....
https://www.btf-thyroid.org/covid-19-and-vaccines
🚩🚩🚩2. လေဖြတ်ထားတဲ့သူအခုတော့နဲနဲသက်သာနေပါပြီ။ ကာကွယ်ဆေးထိုးလို့ရလားရှင့်ဖြေပေးပါနော်။
💉ဖြေ။ လေဖြတ်ထားသူများတွင် ကိုဗစ်ရောဂါဖြစ်ပွားပါက ရောဂါပြင်းထန်နိုင်သဖြင့် ကိုဗစ်ကာကွယ်ဆေး ဦးစားပေး ထိုးနှံရမှာ ဖြစ်ပါတယ်။
Ref: https://www.stroke.org.uk/.../stroke-and-coronavirus...?
https://strokefoundation.org.au/.../Information-for-the...
🚩🚩🚩3. ကိုဗစ်ဖြစ်ပီး ဘယ်နှစ်လလောက်ကြာရင် သွေးလှုလို့ရလဲ ခင်ဗျ။ ကိုဗစ်ကာကွယ်ဆေးထိုးထားရင်ရော သွေးလှုလို့ရလား ခင်ဗျ။
💉ဖြေ။ ကိုဗစ်ဖြစ်ပြီး၍ ရောဂါလက္ခဏာများ ခံစားရခြင်းမရှိတော့သောအချိန်၊ အခြားသူများသို့ ရောဂါကူးစက်နိုင်ခြင်း မရှိတော့သောအချိန်နှင့် ကျန်းမာရေးကောင်းမွန်လာပြီဟု မိမိကိုယ်တိုင်ခံစားရချိန်တို့တွင် သွေးလှူဒါန်းခြင်း ပြုလုပ်နိုင်ပါတယ်။
ကိုဗစ်ကာကွယ်ဆေးထိုးပြီးသူများတွင် သွေးလှူဒါန်းခြင်းနှင့် ပတ်သက်၍ အချိန်အတိအကျ မသတ်မှတ်ထားသော်လည်း ကိုဗစ်ကာကွယ်ဆေး အမျိုးအစားများပေါ်မူတည်၍ စဉ်းစားရမှာ ဖြစ်ပါတယ်။ ဗိုင်းရပ်စ်ပိုးကို အစွမ်းမဲ့အောင်ပြုလုပ်၍ ထုတ်လုပ်ထားသော ကိုဗစ်ကာကွယ်ဆေးများနှင့် ဗိုင်းရပ်စ်ဗီဇကို အသုံးပြု၍ ထုတ်လုပ်ထားသော ကိုဗစ်ကာကွယ်ဆေးများအတွက်မူ သွေးလှူဒါန်းရန်အတွက် အချိန်စောင့်ဆိုင်းရန် မလိုအပ်သော်လည်း ဗိုင်းရပ်စ်ပိုးအရှင်ကို အသုံးပြုထားသော ကိုဗစ်ကာကွယ်ဆေးများ (သို့မဟုတ်) မည်သည့်ကာကွယ်ဆေးအား ထိုးခဲ့ခြင်း မသိရှိသူများအတွက်မူ ဆေးထိုးပြီး ၁၄ ရက်အကြာမှ သွေးလှူဒါန်းရန် အကြံပြုထားပါတယ်။ သို့သော် ကမ္ဘာ့ကျန်းမာရေးအဖွဲ့ကြီးက ယခုအချိန်ထိ ခွင့်ပြုထားသော မည်သည့်ကိုဗစ်ကာကွယ်ဆေးတွင်မှ ကိုဗစ်ဗိုင်းရပ်စ်ပိုးအရှင်ကို အသုံးပြုထားခြင်း မရှိပါ။
Ref: https://www.redcrossblood.org/.../coronavirus--covid-19...
🚩🚩🚩4. အသည်းကင်ဆာသမားရော ကိုဗစ်ကာကွယ်ဆေးထိုးလို့ရပါလား။
💉ဖြေ။ အသည်းကင်ဆာခံစားနေရသူများ အပါအဝင် နာတာရှည်အသည်းရောဂါခံစားနေရသူများတွင် ကိုဗစ်ရောဂါဖြစ်ပွားပါက ရောဂါပြင်းထန်မှု ဖြစ်ပွားနိုင်သဖြင့် ဦးစားပေးကာကွယ်ဆေးထိုးသင့်ပါတယ်။ သို့ရာတွင် ၎င်းတို့၌ ကိုယ်ခံအားနည်းနေနိုင်သဖြင့် ကိုဗစ်ကာကွယ်ဆေးပေါ် ခုခံအားစနစ်၏ တုံ့ပြန်မှုလျော့နည်းနိုင်သောကြောင့် ကာကွယ်ဆေး၏ အာနိသင်လျော့နည်းနိုင်ဖွယ် ရှိပါတယ်။ ထို့ကြောင့် ကာကွယ်ဆေးထိုးပြီးသော်လည်း ရောဂါကာကွယ်ရေးနည်းလမ်းများဖြစ်သည့် နှာခေါင်းနှင့် ပါးစပ်စည်း စနစ်တကျတပ်ခြင်း၊ လက်ကို ဆပ်ပြာနှင့်ရေအသုံးပြု၍ စက္ကန့် ၂၀ ကြာ မကြာခဏဆေးကြောခြင်း၊ တစ်ဦးနှင့်တစ်ဦး ၆ ပေခြား ပြောဆိုဆက်ဆံခြင်း၊ လူစုလူဝေးရှောင်ခြင်းတို့ကို မဖြစ်မနေ ပြုလုပ်သွားရမှာ ဖြစ်ပါတယ်။
Ref: https://www.journal-of-hepatology.eu/.../S0168.../fulltext
🚩🚩🚩5. ကာကွယ်ဆေးထိုးပြီး ရှောင်ရမယ့် အစားအသောက်များ သိချင်ပါတယ် ပြောပြပေးပါနော်။
💉ဖြေ။ ကာကွယ်ဆေးထိုးပြီးပါက ရှောင်ရမည့် အစားအသောက်ဟူ၍ မရှိပါ။ ပုံမှန် စားနေကျဖြစ်သော အာဟာရပြည့်ဝစေမည့် အစားအစာများကို မျှတအောင် စားရန် အကြံပေးလိုပါတယ်။ မိမိတွင် ယခင်က အစားအစာနှင့် ပတ်သက်သည့် ဓာတ်မတည့်ခြင်းများ ရှိခဲ့ဖူးပါက ၎င်းအစားအစာများကိုတော့ သတိထား ရှောင်ကြဉ်သင့်ပါတယ်။
Ref: https://www.who.int/.../coronavirus-disease-(covid-19...)&gclid=Cj0KCQjwsZKJBhC0ARIsAJ96n3USWad4ZPh3_K_GK4a0Zrl55D9o2Cf3_b3LOPeacj0YXSTxBiW7egoaAnRSEALw_wcB
#CovidVaccine
#ckc #covid19_knowledge_centre
#nugmoh #covid19
Comments
Post a Comment