ကိုဗစ်ရောဂါလက္ခဏာများနှင့်ကုသခြင်းဆိုင်ရာမေးခွန်းများ (24.8.21)

🚩🚩🚩1. ကိုဗစ်မျိုးကွဲ Delta ,Delta plus, lambda တို့အကြောင်းရှင်းပြပေးပါ။

ဖြေ။ ပထမဦးစွာ ကိုဗစ်မျိုးကွဲများနှင့် ပတ်သက်၍ ရှင်းလင်းချက်ကို https://www.facebook.com/ckcmohnugmm/posts/121940573491531 မေးခွန်း (၁) တွင် ကျေးဇူးပြု၍ ဖတ်ပေးပါ။ 

ဩဂုတ်လ ၁၀ ရက်နေ့ အထိ အချက်အလက်များအရ နိုင်ငံပေါင်း ၁၄၂ နိုင်ငံတွင် Delta မျိုးကွဲ ပျံနှံ့လျက် ရှိပါတယ်။ Delta မျိုးကွဲမှာ ယခင်မျိုးကွဲများထက် ကူးစက်မှုနှုန်း နှစ်ဆပိုမိုမြန်ဆန်ကြောင်း ဆိုပါတယ်။ 

Delta plus မျိုးကွဲမှာမူ ဗိုင်းရပ်စ်၏ မျက်နှာပြင်ရှိ ပရိုတိန်းအဖုလေးများတွင် အနည်းငယ်ပြောင်းလဲခြင်းသာ ဖြစ်သဖြင့် Delta မျိုးကွဲ၏ အမည်အောက်တွင်သာ ထည့်သွင်းဖော်ပြထားပါတယ်။ ယခုအချိန်အထိ Delta plus မျိုးကွဲကူးစက်မှုများကို အနည်းငယ်သာ တွေ့ရပါသေးတယ်။ ယခုကမ္ဘာ့ကျန်းမာရေးအဖွဲ့ကြီးမှ ခွင့်ပြုထားသော ကိုဗစ်ကာကွယ်ဆေးအများစုမှာ Delta မျိုးကွဲများကြောင့်ဖြစ်သော ရောဂါပြင်းထန်မှုနှင့် သေဆုံးခြင်းများကို လျော့ကျစေနိုင်ကြောင်း တွေ့ရှိထားပါတယ်။ 

ယခုအချိန်အထိ ရရှိသောအချက်အလက်များအရ အမေရိကန်နိုင်ငံနှင့် တောင်အမေရိကနိုင်ငံများတွင် Lambda မျိုးကွဲကူးစက်မှုများ ဖြစ်ပေါ်လျက်ရှိတာကို တွေ့ရပါတယ်။ ၎င်းမျိုးကွဲမှာ Delta မျိုးကွဲထက် ကူးစက်မှု ပိုမိုမြန်ဆန်မည်ဟု ယူဆထားပါတယ်။ ချီလီနိုင်ငံရှိ Lambda မျိုးကွဲကူးစက်မှုများတွင် တရုတ်နိုင်ငံထုတ် Sinovac (Coronavac) ကာကွယ်ဆေး အနည်းဆုံးတစ်ကြိမ်ထိုးပြီးသူ အများအပြား ပါဝင်နေသဖြင့် Lambda မျိုးကွဲမှာ ၎င်းကာကွယ်ဆေးကို ခံနိုင်ရည်ရှိနေမည်ဟု ယူဆရပါတယ်။ ကနဦးလေ့လာမှုများအရ Pfizer နှင့် Moderna ကဲ့သို့သော ကာကွယ်ဆေးများမှာမူ Lambda မျိုးကွဲပေါ်၌ အာနိသင်ရှိကြောင်း တွေ့ရပါတယ်။ 

ရောဂါလက္ခဏာများအနေဖြင့် ဗိုင်းရပ်စ်မျိုးကွဲများအကြား သိသိသာသာ ကွာခြားမှုများ မရှိကြောင်း ဆိုပါတယ်။ 

Ref: https://www.unicef.org/.../what-you-need-know-about-delta... 

       https://www.sciencefocus.com/news/lambda-variant/ 

🚩🚩🚩2. ကိုဗစ်ဖြစ်ပြီး အဆုတ်ကိုဓာတ်မှန်ရိုက်ကြည့်ရမယ်ဆိုတာဟုတ်ပါသလားရှင့်။ အဆုတ်နဲ့ပတ်သက်ပြီး မည်သည့်ဆိုးကျိုးတွေဖြစ်နိုင်ပါလဲရှင့်။ 

🚩🚩🚩 ကိုဗစ်ကြောင့် အဆုတ်ကို ဆိုးဆိုးရွားရွား ထိခိုက်ထားသူတွေအနေနဲ့ အကောင်းအတိုင်း ပြန်ဖြစ်နိုင်ပါလားခင်ဗျာ။ ကိုဗစ်ကြောင့် ပျက်စီးသွားတဲ့ အဆုတ်က ပြန်ကောင်းလာနိုင်ပါလား။

ဖြေ။ ကိုဗစ်ဖြစ်ပွားပြီး သက်သာလာသူတိုင်းတွင် အဆုတ်ဓာတ်မှန်ရိုက်ရန် မလိုအပ်ပါ။ အဆုတ်နှင့် ပတ်သက်သော နောက်ဆက်တွဲ ရောဂါလက္ခဏာများ ခံစားရသူများတွင်သာ ဆရာဝန်၏ အကြံပြုချက်ဖြင့် အဆုတ်ဓာတ်မှန် ရိုက်သင့်ပါတယ်။ 

အဆုတ်ဆိုင်ရာ နောက်ဆက်တွဲဆိုးကျိုးများအနေဖြင့် ကြာရှည် ချောင်းဆိုးခြင်း၊ မောခြင်း၊ နုံးခြင်း၊ အားစိုက်ရသည့်အလုပ်များ မလုပ်နိုင်ခြင်း၊ အဆုတ်တစ်ရှူးများ ပျက်စီး၍ အမာရွတ်ထင်ကျန်ရစ်ခြင်း၊  နာတာရှည် လေပြွန်ငယ်များ ကျယ်၍ ရောဂါပိုးဝင်ခြင်း၊ အဆုတ်သွေးကြောများ ထိခိုက်၍ သွေးခဲခြင်းတို့ ဖြစ်ပေါ်နိုင်ပါတယ်။ 

ကိုဗစ်ကြောင့် အဆုတ်ထိခိုက်သူများတွင် အဆုတ်တစ်ရှူးများ ပျက်စီး၍ အမာရွတ်ထင်ကျန်ရစ်ခြင်းများ ဖြစ်ပေါ်နိုင်ပြီး ၎င်းတို့သက်သာပျောက်ကင်းရန်အတွက် အနည်းဆုံး ၃ လမှ တစ်နှစ်ကျော်ကြာသည်အထိ ကြာမြင့်နိုင်ပါတယ်။ 

Ref: https://www.bmj.com/content/370/bmj.m3001 

       https://www.hopkinsmedicine.org/.../what-coronavirus-does.... 

#CovidClinicalFeatures

#ကိုဗစ်ကုသခြင်းဆိုင်ရာမေးခွန်းများ (24.8.21)

=================================

🚩🚩🚩1. oxygen supply မပါဘဲ spo2%ဘယ်လောက်ဆိုရင် oxygen ဖြုတ်ပေးလို့ရပြီလည်းသိချင်ပါတယ်။

ဖြေ- ပုံမှန် လူကောင်းတစ်ယောက်မှာတော့ အောက်ဆီဂျင် supply မပါဘဲ အောက်ဆီဂျင်ပမာဏ (SpO2 level on air ) ၉၄-၉၅ရာခိုင်နှုန်းနှင့်အထက် ရှိတတ်ပါတယ်။ 

#အောက်ဆီဂျင်ဖြုတ်ပေးခြင်း (oxygen weaning) နဲ့ ပတ်သက်ပြီး အောက်ပါလင့်ခ်ရဲ့ နံပတ် 7 မေးခွန်းရဲ့ အဖြေကို ဖတ်ပေးပါ။ 

 https://www.facebook.com/ckcmohnugmm/posts/121129120239343

#CovidTreatment

#ckc #covid19_knowledge_centre

#nugmoh #covid19