ကိုဗစ်ကူးစက်ခြင်းနှင့်ကုသခြင်းဆိုင်ရာမေးခွန်းများ (6.8.21)

🚩🚩🚩1. Pဖြစ်နေတဲ့လူကနေ တိလေးတွေကိုကူးစက်နိုင်ပါသလား။ ကူးစက်ခံရရင် တိလေးတွေသေဆုံးတဲ့အထိပြင်းထန်ပါသလား။

ဖြေ - ကိုဗစ်သည် လင်းနို့ကဲ့သို့​သော တိရစ္ဆာန်မှ စဖြစ်သည် ဖြစ်​သော်လည်း ​လေ့လာတွေ့ရှိချက် အချို့အရ တိရစ္ဆာန်မှ လူသို့ ကူးနိုင်နှုန်းဟာ အလွန်နည်းပြီး တိကျ​သော သက်​သေများ မရှိ​သေးပါ။

- လူမှတစ်ဆင့်တိရစ္ဆာန်သို့ အချို့အ​​ခြေအ​နေများတွင်ကူးစက်နိုင်ပါသည်။ ဥပမာ - ကိုဗစ်ပိုးရှိသူမှ တိရစ္ဆာန်များနှင့် အနီးကပ် ထိ​တွေ့သည့်အခါ ကူးစက်နိုင်ပါသည်။

- ထို့​ကြောင့် ​​ရောဂါရှိသူများသည် တိရစ္ဆာန်များနှင့် ထိ​တွေ့ခြင်းမှ​ ရှောင်ကြဥ်ရန် CDC (Center for disease control and prevention) မှ အကြံပြုထားပါသည်။

🚩🚩🚩2. D 19 မှာ Antibody မပေါ်ခဲ့ပါဘူး. D 22 မှာ အဖျားတက်ကိုယ်လက်တွေကိုက်ခဲပါတယ်။ D 23 မှာ Antibody ထပ်စစ်တော့လဲ Control ဘဲပေါ်ပါတယ်။ Test kits မှာ Positive ပြန်ပေါ်လာပါတယ်. သီးသန့်ခွဲနေရအုန်းမလား အခြားသူကိုကောထပ်ကူးန်ိုင်လား။ ပြန်ကူးခံရတာလားပြောပြပေးပါအုန်းရှင်။ ကျေးဇူးတင်ပါတယ်ရှင်။

ဖြေ - ကိုဗစ်ဖြစ်ပြီး ပြန်ကောင်းလာသူ အချို့တွင် ရောဂါလက္ခဏာစပေါ်သည့်ရက်မှစ၍ ရက်ပေါင်း ၉၀ထိ ဗိုင်းရပ်စ်အစိတ်အပိုင်းများ  ဆက်လက်ထွက်ရှိခြင်း ( #viral shedding ) ဖြစ်ပေါ်နိုင်သည်။ ထိုသို့ viral shedding ဆက်ဖြစ်နေပါက ပြန်ကောင်းပြီးသည့်နောက်တွင်လည်း PCR test ဖြင့်စစ်လျှင် positive ဖြစ်နိုင်ပါသည်။ PCR test positive သည် ထွက်လာသောဗိုင်းရပ်စ်ပိုးသည် အသေ/အရှင်ဖြစ်ခြင်းကို မပြနိုင်ပါ ( ဆိုလိုသည်မှာ ပိုးသည် ရောဂါဖြစ်စေနိုင်ခြင်း ရှိသည်/မရှိသည်ကို မသိနိုင်ပါ )။ ထို့ကြောင့် PCR test positive ထပ်ဖြစ်သူသည် အခြားသူအား ကူးစက်နိုင်ခြင်းရှိ/မရှိ သိရှိနိုင်ရန် ရောဂါဖြစ်စေနိုင်သောပိုး level ကိုတိုင်းသည့် assays များထပ်စစ်ရန်လိုအပ်ပါသည်။ 

- PCR test positive ပြန်ဖြစ်ခြင်းသည် နောက်ထပ်တစ်ခါ ကူးစက်ခံရခြင်း( #reinfection) ကြောင့်လည်းဖြစ်နိုင်ပါသည်။ 

အမေရိကန်နိုင်ငံတွင် အောက်ပါအချက်များရှိသူကို reinfection အတွက်စစ်ဆေးရန် အကြံပြုထားသည်

- ပထမရောဂါမှ ရက်ပေါင်း #၉၀အကျော်တွင် ရောဂါလက္ခဏာရှိသည်ဖြစ်စေ/ မရှိသည်ဖြစ်စေ NAAT ( PCR ) test positive ထပ်ဖြစ်လျှင်

- ပထမရောဂါမှ #၄၅ - ၈၉ရက်အတွင်း ကိုဗစ်သံသယလက္ခဏာရှိပြီး ( ထိုရောဂါလက္ခဏာသည် အခြားအကြောင်းကြောင့်မဟုတ်ခြင်း သို့မဟုတ် ကိုဗစ်ဖြစ်သူနှင့်ထိတွေ့ခဲ့ပြီးသည့်နောက် ရောဂါလက္ခဏာပေါ်လာခြင်း ) NAAT test positive ထပ်ဖြစ်လျှင်

ပထမဖြစ်သောပိုးနှင့် ဒုတိယအကြိမ်ရောဂါထပ်ဖြစ်စေသောပိုး ကွဲပြားခြင်းရှိ/မရှိကို သိရှိရန် genetic testing လုပ်ပါသည်။

နိုင်ငံတကာတွင် ကိုဗစ်ဖြစ်ပြီးပြန်ကောင်းလာသူများတွင် သံသယရှိပါက PCR test ကိုသာသုံးပြီး၊ ယခု မြန်မာနိုင်ငံတွင် လူအများအသုံးပြုသော test kits ကိုအသုံးမပြုပါ။ ထို့ကြောင့် test kit positive တစ်ခုတည်းနှင့် ရောဂါပြန်လည်ကူးစက်ခြင်းဖြစ်သည်ဟု မပြောနိုင်ပါ။

နေကောင်းပြီးသူတွင် ရောဂါလက္ခဏာထပ်ပေါ်ပါက ထိုရောဂါလက္ခဏာသည် အခြားအကြောင်းကြောင့်လည်းဖြစ်နိုင်ပါသည်။ ( ဥပမာ - ဘတ်တီးရီးယားပိုးဝင်ခြင်း )

 ထို့ကြောင့် ဆရာဝန်နှင့်တိုင်ပင်ရန်လိုအပ်ပါသည်။

🚩🚩🚩3. အိမ်မှာလူ၃ယောက်ရှိပါတယ် ကျွန်မက ၂၅ရက်ရှိပါပြီ ကျွန်မအဒေါ်တစ်ယောက်က၂၁ ရက်ရှိပါပြီ နောက်အဒေါ်တစ်ယောက်က အဲ့နေမှစဖျားပါတယ်ရှင့် အဲ့တာပြန်ကူးနိုင်ပါသလားရှင့်

ဖြေ - ကိုဗစ်ဖြစ်ပြီးပြန်လည်ကောင်းမွန်လာသူများသည် နောက်ထပ် ထပ်မံကူးစက်ခံရနိုင်ခြေ နည်းသော်လည်း ပြန်လည်ကူးစက်ခံရသည့်ဖြစ်စဥ် အနည်းငယ်ရှိပါသည်။ ထို့ကြောင့် ပြန်လည်ကောင်းမွန်လာသူများသည် mask တပ်ခြင်း၊ လက်ဆေးခြင်း၊ ၆ပေခွာနေခြင်း၊ လက်ဖြင့် မျက်စိ နှာခေါင်း ပါးစပ်တို့ကို မထိခြင်း စသည်တို့ကိုဆက်လက်လုပ်ဆောင်ရပါမည်။

#ကိုဗစ်ကုသခြင်းဆိုင်ရာမေးခွန်းများ (6.8.21)

=================================

🚩🚩🚩1. မေး-ဖျားနာပြီး ပြန်နေကောင်းလာပြီးသူ တစ်ယောက်ဟာ Vitamin C Vitamin D3 နဲ့ Zinc တို့ကို ဘယ်လောက်ထိ သောက်သုံးသင့်ပါသလဲဟင်... အဲ့ဆေးတွေကနေ side effects  ဘယ်လောက်ထိရနိုင်ပါလဲရှင်..  

ဖြေ- အားဆေးများဖြစ်သော Multivitamin၊ Vitamin C အစရှိသော ဆေးများသည် ဖြည့်စွက်ဓာတ်စာသဘောသာ ဖြစ်ပါသည်။

ပုံမှန်အားဖြင့် အစာအာဟာရဓာတ်စုံလင်မျှတစွာ စားနိုင်သူတစ်ယောက်အဖို့ အားဆေးမလိုအပ်ပါ။ သက်ကြီးရွယ်အိုများ၊ ကိုယ်ဝန်ဆောင်မိခင်များ၊ အာဟာရဓာတ်ချို့တဲ့သူများ၊ ရောဂါကြောင့် အူလမ်းကြောင်းမှ အာဟာရဓာတ် ကောင်းစွာ မစုပ်ယူနိုင်သူများသာ အားဆေးလိုအပ်ပါသည်။

အားဆေးတံဆိပ်အများအပြားရှိသည့်အတွက် တိတိပပတော့ မညွှန်းဆိုနိုင်ပါ။ သောက်သည့်တံဆိပ်အလိုက် ဆေးအကြိမ်အရေအတွက် ကွာနိုင်ပါသည်၊ မသောက်မီ ဆေးအကြောင်း နားလည်တတ်ကျွမ်းသူ #ဆရာဝန်များနှင့် တိုင်ပင်ပါ။ အလွန်အကျွံမသုံးစွဲရန် သတိပြုပါ။ (ဥပမာ - လူကြီးတစ်ယောက်အတွက် Vitamin C 500 mg ပါသော ဆေးပြားဆိုလျှင် တစ်နေ့ တစ်ကြိမ်၊ 100 mg သာ ပါသော ဆေးပြားဆိုလျှင် တစ်နေ့ နှစ်ကြိမ်သောက်လျှင် လုံလောက်ပါသည်) (မှတ်ချက်။ လူကြီးတစ်ယောက်အတွက် နေ့စဥ် Vitamin C လိုအပ်ချက်မှာ 65-90 mg မျှသာ ဖြစ်ပါသည်)

ဖြည့်စွက်သောက်သင့်သည့် ပမာဏထက် ပို၍ နေ့စဉ်ရက်ဆက် စွဲသောက်ပါက ပျို့ခြင်း၊အန်ခြင်း၊အစားသောက်ပျက်ခြင်း၊နုံးချိခြင်း၊အားနည်းခြင်း၊ဗိုက်နာခြင်း၊ဝမ်းချုပ်ခြင်း၊ဝမ်းလျှောခြင်း မှ စ၍ အရိုးကျန်းမာရေးထိခိုက်ခြင်း၊ကျောက်ကပ်ပျက်ခြင်း တို့အထိ ဖြစ်နိုင်ပါသည်။

ကိုဗစ်ရောဂါကူးစက်ခံရသည့်တိုင် ကိုယ်ခံအားကောင်းမွန်သူသည် ရောဂါလက္ခဏာများ ပြင်းထန်စွာ ခံစားရသည့်အဆင့်သို့ ရောက်နိုင်ခြေနည်းပါးပြီး ပြန်လည်ကောင်းမွန်ရန် အခွင့်အရေးများပါသည်။

ကိုယ်ခံအားကောင်းစေရန် အိပ်ရေးဝဝအိပ်ပါ၊ အသား၊ငါး၊အသီးအရွက်တို့ကို အာဟာရဓာတ် စုံလင်မျှတအောင် စားပါ၊ ရေများများသောက်ပါ၊ ကိုယ်လက်လှုပ်ရှားမှု ပုံမှန်ပြုလုပ်ပါ၊ စိတ်ဖိစီးမှု တတ်နိုင်သမျှ လျှော့ချပါ။

🚩🚩🚩2. မေး-ဘီပိုးရှိတဲ့ covidလူနာတွေက ဘာဆေးသောက်ရမလဲ ဘီပိုးဆေးဆက်သောက်သင့်ပါသလား။

ဖြေ- အသည်းရောင်အသားဝါ ဘီပိုးကြောင့်ဖြစ်သော အသည်းရောဂါအတွက် #သက်ဆိုင်ရာဆရာဝန်က ဆေးသောက်တာရပ်ဖို့မပြောမချင်း #ဆေးဆက်သောက်ရပါမယ်။

#CovidTreatment

#ckc #covid19_knowledge_centre

#nugmoh #covid19

#CovidTransmission

#ckc #covid19_knowledge_centre

#nugmoh #covid19