ကိုဗစ်ကုသခြင်းဆိုင်ရာမေးခွန်းများ (3.8.21)

🚩🚩🚩1. ဖြစ်ပြီး 21 ရက် နောက်ပိုင်း Medical check up လုပ်ဖို့ လိုအပ်တာလေးတွေ သိချင်ပါတယ်ရှင့်။

ဖြေ- Medical check up လုပ်တာက အသက်အရွယ်၊ ကျား/မ ၊ရောဂါအခံရှိမရှိ ပေါ်မှာ မူတည်ပြီး တစ်ယောက်နဲ့ တစ်ယောက် မတူပါဘူး ။#သက်ဆိုင်ရာဆရာဝန်ရဲ့ညွှန်ကြားချက်နဲ့ check up ပြုလုပ်နိုင်ပါတယ်။

🚩🚩🚩2. သွေးမစစ်ဘဲ သွေးကျဲဆေးထိုးလို့ရလားရှင့်။ သွေးစစ်ဖို့ ခက်ခဲလို့ပါ။ လူနာက oxygen ပေးထားရတာ ၈ ရက်ရှိပါပြီ။ မဖြုတ်ရသေးပါဘူးရှင့်။ နယ်ဆိုတော့ သွေးစစ်ဖို့ ခက်လို့ပါ။ Covid ဖြစ်တာ Day 15 ပါ။သွေးမစစ်ဘဲ ထိုးတာနဲ့ သွေးကျဲဆေးမထိုးဘဲ ထားလိုက်တာ ဘယ်ဟာကပိုအန္တရာယ်ရှိလဲ သိချင်ပါတယ်။

ဖြေ-ဆေးရုံတက်၍ကုသရသော လူနာများနှင့် ပြင်းထန်ကိုဗစ်-၁၉ရောဂါလူနာများအတွက် ရောဂါ၏နောက်ဆက်တွဲ ဆိုးကျိုးများမှ တစ်ခုဖြစ်သော သွေးခဲခြင်းမှကာကွယ်ရန် သွေးခဲပျော်ဆေး တို့ကို ဆရာဝန်၏ ညွှန်ကြားချက်ဖြင့် အသုံးပြုနိုင်ကြောင်း ကမ္ဘာ့ကျန်းမာရေးအဖွဲ့ကြီးက အကြံပြုထားပါသည်။ သွေးခဲပျော်ဆေးတို့ကို ပေးရာတွင် #ဆေးမပေးရမည့်အခြေအနေများမရှိခြင်း၊ လိုအပ်သော #သွေးဖောက်စစ်ဆေးမှု (ဥပမာ- D-Dimer အစရှိသည်)တို့ကို စစ်ဆေးခြင်းတို့ ပြုလုက်နိုင်ရင် #သက်ဆိုင်ရာဆရာဝန်၏ညွှန်ကြားချက်ဖြင့်ပေးနိုင်ကြောင်း ကျန်းမာရေးဝန်ကြီးဌာန၊ အမျိုးသားညီညွတ်ရေး အစိုးရ၏ ကိုဗစ်-၁၉လူနာများအတွက် ကုသမှု လမ်းညွှန်ချက်အရ အကြံပြုထားပါသည်။

🚩🚩🚩3. ကိုဗစ်ဖြစ်ပြီးသူ့ရဲ့နောက်ဆက်တွဲလက္ခဏာတွေကိုဘယ်လိုဖြေရှင်းကုသလို့ရပါသလဲ ခင်ဗျ။

ဖြေ- ကိုဗစ်ရောဂါဖြစ်ပြီးတဲ့သူတွေမှာ နောက်ဆက်တွဲ ဝေဒနာတွေ အနည်းနဲ့အများ ခံစားရတတ်ပါတယ် ။ အသက်ရှုလမ်းကြောင်းဆိုင်ရာရောဂါများ ၊နှလုံးနှင့်သွေးကြောဆိုင်ရောရောဂါများ၊ဦးနှောက်နှင့် အာရုံကြောဆိုင်ရာရောဂါများ၊ အစာအိမ်နှင့် အူလမ်းကြောင်း ဆိုင်ရာ ပြဿနာများ၊ ကျောက်ကပ်ရောဂါ၊သွေးခဲခြင်း၊ အဆုတ်သွေးခဲပိတ်ခြင်း အစရှိတဲ့ ဆိုးရွားတဲ့ နောက်ဆက်တွဲ ဆိုးကျိုးတွေက စ လို့ ချောင်းဆိုးခြင်း၊ မောခြင်း ၊ရင်ဘတ်အောင့်ခြင်း ၊ခေါင်းကိုက်ခြင်း၊အားနည်းခြင်း၊ နုန်းချိခြင်း၊လှုပ်ရှားပြီးနောက် ကိုယ်လက်မအီမသာဖြစ်ခြင်း(PEM) စတာတွေဖြစ်တတ်ပါတယ်။ ဘယ်လိုဝေဒနာတွေ ခံစားရနိုင်ဆိုတာက တစ်ယောက်နဲ့ တစ်ယောက် မတူညီနိုင်ပါဘူး။ #ကျွမ်းကျင်ဆရာဝန်နဲ့တိုင်ပင်ပြီးဖြေရှင်းကုသနိုင်ပါတယ်။

🚩🚩🚩4. ကိုဗစ်ဖြစ်ပြီးရင်ဘယ်နှလလောက်အနားယူဖို့လိုပါသလဲရှင်။

ဖြေ- ကိုဗစ်ရောဂါဖြစ်ပြီးတဲ့သူတွေမှာ နောက်ဆက်တွဲ ဝေဒနာတွေ အနည်းနဲ့အများ ခံစားရတတ်ပါတယ် ။ တချို့ဝေဒနာတွေက #၂လကနေ၆လလောက်အထိ ကြာတတ်ပါတယ်။ ဘယ်လောက် အတိုင်းအတာထိ အနားယူဖို့လိုသလဲ ဆိုတာကတော့ လူ တစ်ယောက်နဲ့ တစ်ယောက် မတူနိုင်ပါ။ ပြင်းပြင်းထန်ထန် လှုပ်ရှား မှုတွေ မပြုလုပ်ဖို့နဲ့ ကိုယ်ရဲ့ #energy_limit ကို သိဖို့ လိုအပ်ပါတယ်။ 

energy limit နဲ့ပတ်သက်ပြီး အောက်ပါလင့်ခ် ရဲ့ မေးခွန်း နံပါတ် ၁ က အဖြေကို ဖတ်ပေးပါ။

https://www.facebook.com/104312615254327/posts/121129120239343/

🚩🚩🚩5. ကိုဗစ်ဖြစ်ပီးတဲ့လူနာက ညောင်းလို့ရှိရင် အနင်းခံလို့ရလား သိချင်ပါတယ်။

ဖြေ- အလွန်အကျွံမဟုတ်ရင် ရပါတယ်။ ရောဂါကြောင့် အိပ်ရာထဲ အချိန်အတော်ကြာ လဲလျောင်းနေခဲ့ရသူတွေမှာ ခြေသလုံး ကြွက်သားတွေကို နှိပ်နယ်ခြင်းက အခန့််မသင့်ရင် သွေးကြောထဲက သွေးခဲလေးတွေ ပြုတ်ထွက်ပြီး အဆုတ်သွေးကြောထဲမှာသွားပိတ်တတ်ပါတယ်။

🚩🚩🚩6. သက်ကြီးရွယ်အိုတွေ Covid ဖြစ်ရင် ဘယ်လို Care လုပ်ရမလဲ? ကာကွယ်ဆေးထိုးလို့ ရလား? ဘာတွေ ကျွေးရမလဲ? ဖြေပေးပါရှင့်။

ဖြေ- ကိုယ်ခံအားကောင်းစေရန် အိပ်ရေးဝဝအိပ်ပါ၊ အသား၊ငါး၊အသီးအရွက်တို့ကို အာဟာရဓာတ် စုံလင်မျှတအောင် စားပါ၊ ရေများများသောက်ပါ၊ ကိုယ်လက်လှုပ်ရှားမှု ပုံမှန်ပြုလုပ်ပါ၊ စိတ်ဖိစီးမှု တတ်နိုင်သမျှ လျှော့ချပါ။

#ကာကွယ်ဆေးအတွက်က အောက်ပါလင့်ခ်က မေးခွန်း နံပါတ် ၂ကို ဖတ်ပေးပါ။

https://www.facebook.com/104312615254327/posts/120754490276806/

#CovidTreatment

#ckc #covid19_knowledge_centre #nugmoh #covid19