Skip to main content

ကိုဗစ်Vaccineဆိုင်ရာမေးခွန်းများ အပိုင်း (၂) (30.7.21)



🚩🚩🚩1. ကာကွယ်ဆေးမထိုးခင် Covid Positive ဟုတ် မဟုတ်စစ်ဆေးဖို့လိုပါသလား။ တကယ်လို့ Pဖြစ်နေယင်ကာကွယ်ဆေးထိုးလို့ရပါသလား။ အခုလူတွေကဘာမှမစစ်ဘဲကာကွယ်ဆေးထိုးနေကြလို့ ရ မရသိချင်ပါတယ်။

  → ဖြေ။ ကာကွယ်ဆေးမထိုးခင် Covid Positive ဟုတ်၊မဟုတ် #ဓာတ်ခွဲစစ်ဆေးဖို့မလိုအပ်ပါ။ အကယ်၍ ကိုဗစ်ရောဂါ လက္ခဏာများ လက်ရှိခံစားနေရခြင်း သို့မဟုတ် ကိုဗစ်ရောဂါပိုး တွေ့ရှိရသူများတွင် ကာကွယ်ဆေးထိုးရန် စောင့်ဆိုင်းရမည့် အချိန်နှင့် ပတ်သက်၍ ဖော်ပြပါပိုစ့်၏ မေးခွန်း (၂) အဖြေတွင် ဖတ်ရှုပေးပါ။ https://www.facebook.com/ckcmohnugmm/posts/113457701006485 

ကိုဗစ်ရောဂါရှိသူများနှင့် ထိတွေ့မှုရှိသူများသည်လည်း #သီးခြားခွဲနေထိုင်ရမည့်ကာလကျော်လွန်မှသာ ကာကွယ်ဆေး သွားရောက်ထိုးနှံရပါမယ်။ သီးခြားနေထိုင်ရမည့်ကာလကို အောက်ပါအတိုင်းသတ်မှတ်ထားပါတယ်။ လက္ခဏာရှိသူ၏ မိသားစုဝင် (သို့မဟုတ်) လက္ခဏာရှိသူနှင့် ထိတွေ့ထားသူအတွက် လက္ခဏာ မပြသေးသော်လည်း (၁၀) ရက် သီးခြားနေထိုင်ရပါမည်။ ထိုရက်များအတွင်း လက္ခဏာပေါ်ပေါက်လာပါက ပေါ်လာသည့်နေ့ရက်မှ စတင်၍ (၁၀) ရက် သီးခြားနေထိုင်ရန် လိုအပ်ပါသည်။

🚩🚩🚩2. Covid ဖြစ်ပြီးတဲ့သူတွေ ဘယ်နှလကြာမှ ကာကွယ်ဆေးထိုးသင့်ပါသလဲရှင့်။ 

  → ဖြေ။ ကိုဗစ်ရောဂါ ခံစားရဖူးသူများတွင် ကာကွယ်ဆေးထိုးဖို့ စောင့်ဆိုင်းရမည့် အချိန်ကို ဖော်ပြပါပိုစ့်၏ မေးခွန်း (၂) အဖြေကို ကျေးဇူးပြု၍ ဖတ်ရှုပေးပါ။

https://www.facebook.com/ckcmohnugmm/posts/113457701006485 

🚩🚩🚩3. Covishield ကို 25.1.2021တစ်ကြိမ်ထိုးထားတယ်။ ဒုတိယအကြိမ်မထိုးဖြစ်ဘူး။

အခု ပြန်ထိုးမယ်ဆိုရင် Covishieldမရရင် တခြားကာကွယ်ဆေးထိုးလို့ရမလား။ တခြားကာကွယ်ဆေးက တရုတ်ဆေးဆိုရင် ထိုးရမလားသိချင်ပါတယ်။

🚩🚩🚩 Covishield တကြိမ်ထိုးထားတာ 6 လပြည့်ပါပြီ။ ခု sinopharm ထိုးလို့ရလားရှင့်။ covishield ပြန်ထိုးဖို့မလွယ်လို့ပါ။ 

 →  ဖြေ။ Covishield မရနိုင်တော့ပါက အခြားစိတ်ချရသော ကာကွယ်ဆေးဖြင့် ထိုးနှံရပါမယ်။ Sinopharm (Beijing Institute of Biological Products Co-Ltd) ကိုဗစ်ကာကွယ်ဆေးကိုတော့ ကမ္ဘာ့ကျန်းမာရေးအဖွဲ့ကြီးမှ #အရေးပေါ်အသုံးပြုခြင်းဆိုင်ရာခွင့်ပြုချက်ထုတ်ပေးပြီး ဖြစ်ပါတယ်။ Sinopharm (Wuhan Institute of Biological Products Co Ltd) ကာကွယ်ဆေးကိုမူ #အသိအမှတ်မပြုထားသေးပါ။ 

ထို့ပြင်ကာကွယ်ဆေး၏ အရည်အသွေးစိတ်ချရမှု ရှိ/မရှိ၊ စနစ်တကျ သိုလှောင်ထားမှု ရှိ/မရှိ၊ ဆေးထိုးရန် စနစ်တကျ စီစဉ်ထားမှု ရှိ/မရှိ၊ ဆေးထိုးပေးမည့်သူများ၏ စိတ်ချရမှုရှိ/မရှိ စသည်တို့ပေါ်မူတည်၍ ယုံကြည်ရနိုင်ပါက ထိုးနှံနိုင်ပါတယ်။

🚩🚩🚩4. အခု ထိုးပေးနေတဲ့ Sinopharm Vero Cell ကာကွယ်ဆေး ဟာ China only approve ဆိုတာ ဟုတ်ပါသလား ၊ ထိုးသင့်ပါသလား။ 

 → ဖြေ။ Beijing Institute of Biological Products Co-Ltd မှ ထုတ်လုပ်သော Sinopharm ကိုဗစ်ကာကွယ်ဆေးကို ကမ္ဘာ့ကျန်းမာရေးအဖွဲ့ကြီးမှ #အရေးပေါ်အသုံးပြုခြင်းဆိုင်ရာခွင့်ပြုချက်ထုတ်ပေးပြီး ဖြစ်ပါတယ်။ Wuhan Institute of Biological Products Co Ltd မှ ထုတ်လုပ်သော Sinopharm ကိုဗစ်ကာကွယ်ဆေးကိုမူ  #အသိအမှတ်မပြုထားသေးပါ။ 

ထို့ပြင်ကာကွယ်ဆေး၏ အရည်အသွေးစိတ်ချရမှု ရှိ/မရှိ၊ စနစ်တကျ သိုလှောင်ထားမှု ရှိ/မရှိ၊ ဆေးထိုးရန် စနစ်တကျ စီစဉ်ထားမှု ရှိ/မရှိ၊ ဆေးထိုးပေးမည့်သူများ၏ စိတ်ချရမှုရှိ/မရှိ စသည်တို့ပေါ်မူတည်၍ ယုံကြည်ရနိုင်ပါက ထိုးနှံနိုင်ပါတယ်။

🚩🚩🚩5. ခန္ဓာကိုယ်အစိတ်အပိုင်း ခွဲစိတ်အစားထိုးထားသူများ ကိုဗစ်ကာကွယ်ဆေး ထိုးလို့မရဘူးလို့ သိထားလို့ပါ။ ဟုတ်ပါသလားခင်ဗျ။

 →  ဖြေ။ မဟုတ်ပါ။ ခန္ဓာကိုယ်အစိတ်အပိုင်း ခွဲစိတ်အစားထိုးထားသူများတွင် ကိုယ်ခံအားနည်းစေသော ဆေးများ ပေးထားရသဖြင့် ကာကွယ်ဆေးပေါ် ခန္ဓာကိုယ်၏ တုံ့ပြန်မှု အားနည်းနေနိုင်သဖြင့် ကာကွယ်ဆေး၏အာနိသင်မှာ လျော့နည်းကောင်းလျော့နည်းနိုင်ပါတယ်။ သို့သော် ၎င်းတို့တွင် ကိုဗစ်ရောဂါဖြစ်ပွားပါက ပြင်းထန်စွာခံစားရနိုင်သဖြင့် ကိုဗစ်ကာကွယ်ဆေးထိုးဖို့ရန် အမေရိကန်နိုင်ငံ ရောဂါထိန်းချုပ်ရေးဌာနက အကြံပြုထားပါတယ်။ ၎င်းနှင့် အတူနေမိသားစုဝင်များကိုလည်း ကိုဗစ်ကာကွယ်ဆေးထိုးရန် အကြံပြုထားပါတယ်။ ကာကွယ်ဆေးထိုးပြီးသည့်နောက်ပိုင်းတွင်လည်း ရောဂါကာကွယ်ရေးနည်းလမ်းများဖြစ်သည့် မက်စ်တပ်ခြင်း၊ လက်ကို မကြာခဏဆေးခြင်း၊ ခပ်ခွာခွာ ၆ ပေခြားနေထိုင်ခြင်း၊ လူစုလူဝေးရှောင်ခြင်းစသည်တို့ကို လိုက်နာရမှာ ဖြစ်ပါတယ်။  

🚩🚩🚩6. Covid ကာကွယ်ဆေး တခုခုထိုးထားရင် တချို့တွေပြောကြတာ တကယ်လို့ covidဖြစ်ခဲ့ရင်တောင် အရမ်းမပြင်းထန်ဘူးလို့ပြောနေကြတာတွေ့လို့ပါ။ ဖြစ်နိုင်လားရှင့်။

 → ဖြေ။ ဖော်ပြပါ ပို့စ်မှ မေးခွန်း (၁) ၏ အဖြေကို ကျေးဇူးပြု၍ ဖတ်ပေးပါ။ https://www.facebook.com/ckcmohnugmm/posts/108203494865239 

🚩🚩🚩7. ကိုဗစ်ကာကွယ်ဆေးထိုးပြီးရင် ကွမ်းယာရှောင်ဖို့လိုသလားဗျ။

 →  ဖြေ။ ထိုကဲ့သို့ ရှောင်ရှားရမည့် အကြံပြုချက်၊ လမ်းညွှန်ချက်များ မရှိသေးပါ။ 

🚩🚩🚩8. ကိုဗစ်ကာကွယ်ဆေးထိုးပြီးသားပါ။ အခုက ကိုဗစ်ဖြစ်တာ ၁၈ ရက်ရှိပါပြီ။ လူက အကုန်လုံးပြန်လည်ကောင်းမွန်နေပါပြီ။ မေးချင်တာက ကိုဗစ်ပျောက်သွားလို့ရှိရင် အရင်ထိုးထားတဲ့ကာကွယ်ဆေးက အာနိသင်ဆက်ရှိဦးမှာလားသိချင်ပါတယ်။

 → ဖြေ။ ယခင်ထိုးခဲ့သော ကာကွယ်ဆေးကြောင့် ခုခံအား တစ်စုံတစ်ရာရှိနိုင်သော်လည်း ရောဂါပိုးဝင်ရောက်ခြင်းကို အပြည့်အဝမခုခံနိုင်သဖြင့် ယခုကဲ့သို့ ကူးစက်ခံရခြင်းဖြစ်ပါတယ်။ သို့ရာတွင် ကာကွယ်ဆေးထိုးထားသူများ၌ ရောဂါပြင်းထန်စွာ ခံစားရနိုင်ခြေနည်းကြောင်း တွေ့ရှိရပါတယ်။ ထို့ကြောင့် ယခင်ထိုးထားခဲ့သော ကာကွယ်ဆေးမှာ ယခုကူးစက်ခံရသော ဗိုင်းရပ်စ်မျိုးကွဲအတွက်ဆိုပါက ကူးစက်ခြင်းကို ကာကွယ်နိုင်သည့် အာနိသင် မရှိတော့ဟု ဆိုချင်ပါတယ်။ ထို့ကြောင့် ရောဂါကာကွယ်ရေးနည်းလမ်းများဖြစ်သည့် မက်စ်တပ်ခြင်း၊ လက်ကို မကြာခဏဆေးခြင်း၊ ခပ်ခွာခွာ ၆ ပေခြားနေခြင်းတို့ကို ဆက်လက်လုပ်ဆောင်ရပါမယ်။

#CovidVaccine

Labels:

Comments

Post a Comment

Popular posts from this blog

ကိုဗစ်ကူးစက်ခြင်းနှင့်ကုသခြင်းဆိုင်ရာမေးခွန်းများ (6.8.21)

🚩🚩🚩1. Pဖြစ်နေတဲ့လူကနေ တိလေးတွေကိုကူးစက်နိုင်ပါသလား။ ကူးစက်ခံရရင် တိလေးတွေသေဆုံးတဲ့အထိပြင်းထန်ပါသလား။ ဖြေ - ကိုဗစ်သည် လင်းနို့ကဲ့သို့​သော တိရစ္ဆာန်မှ စဖြစ်သည် ဖြစ်​သော်လည်း ​လေ့လာတွေ့ရှိချက် အချို့အရ တိရစ္ဆာန်မှ လူသို့ ကူးနိုင်နှုန်းဟာ အလွန်နည်းပြီး တိကျ​သော သက်​သေများ မရှိ​သေးပါ။ - လူမှတစ်ဆင့်တိရစ္ဆာန်သို့ အချို့အ​​ခြေအ​နေများတွင်ကူးစက်နိုင်ပါသည်။ ဥပမာ - ကိုဗစ်ပိုးရှိသူမှ တိရစ္ဆာန်များနှင့် အနီးကပ် ထိ​တွေ့သည့်အခါ ကူးစက်နိုင်ပါသည်။ - ထို့​ကြောင့် ​​ရောဂါရှိသူများသည် တိရစ္ဆာန်များနှင့် ထိ​တွေ့ခြင်းမှ​ ရှောင်ကြဥ်ရန် CDC (Center for disease control and prevention) မှ အကြံပြုထားပါသည်။ 🚩🚩🚩2. D 19 မှာ Antibody မပေါ်ခဲ့ပါဘူး. D 22 မှာ အဖျားတက်ကိုယ်လက်တွေကိုက်ခဲပါတယ်။ D 23 မှာ Antibody ထပ်စစ်တော့လဲ Control ဘဲပေါ်ပါတယ်။ Test kits မှာ Positive ပြန်ပေါ်လာပါတယ်. သီးသန့်ခွဲနေရအုန်းမလား အခြားသူကိုကောထပ်ကူးန်ိုင်လား။ ပြန်ကူးခံရတာလားပြောပြပေးပါအုန်းရှင်။ ကျေးဇူးတင်ပါတယ်ရှင်။ ဖြေ - ကိုဗစ်ဖြစ်ပြီး ပြန်ကောင်းလာသူ အချို့တွင် ရောဂါလက္ခဏာစပေါ်သည့်ရက်မှစ၍ ရက်ပေါင်း ၉၀ထိ ဗိုင်းရပ်စ်အစိတ်အပိုင်းများ  ...
Post a Comment
Read more

Oxygen , oxygen therapy နှင့် Covid-19 ( အပိုင်း ၅ )

6). Awake Prone Position- မျက်နှာမှောက်ရက် အနေအထား အကြောင်း  Position အရေးကြီးတာကို ရှင်းပြပြီးပါပြီ။ အခု အဲ့ထဲက   Awake Prone Position- မျက်နှာမှောက်ရက် အနေအထား အကြောင်း ထပ်ပြောပြပါ့မယ်။ WHO ကမ္ဘာ့ ကျန်းမာရေး အဖွဲ့ ကြီးရော တခြား US အပါအဝင် နိုင်ငံအများစုရဲ့ guidelines တွေမှာ လုပ်ဖို့ အဆင်ပြေတဲ့ လူနာ တွေကို လုပ်သင့်တယ်လို့ တိုက်တွန်းထားပါတယ်။ စနစ်တကျ အနေအထားမှန်မှန် လုပ်နိုင်ရင် ရောဂါ ပိုသက်သာတယ် အမောလည်း သက်သာတယ် ပိုမဆိုးအောင်တောင် ကာကွယ်နိုင်တယ်လို့ တချို့ လေ့လာချက်တွေမှာ တွေ့ပါတယ်။ ကိုယ့် နိုင်ငံ အတွက် အများကြီး အသုံးဝင်ပါတယ်။ Contraindications - ဘယ်သူတွေမလုပ်သင့်ဘူးလဲ။ (၁)လူနာကမလုပ်လိုရင်မလုပ်သင့်ပါ။ (၂) သတိမကောင်းတဲ့သူတွေမလုပ်သင့်ပါဘူး။ (၃) သွေးပေါင်ကျနေလျှင်မလုပ်သင့်ပါ။ (၄) မကြာခင်ကမှ ဗိုက်ခွဲထားသူများ မလုပ်သင့်ပါ။  (၅) ခါးရိုးခိုက်မိထားသူများ အရိုးကျိုးထားသူများ လှည့်ပြောင်းရမလွယ်သူများမလုပ်သင့်ပါ။ (၆) အစာစား ပြီး ၁ နာရီ အတွင်း မလုပ်သင့်ပါ။  လုပ်နည်း -  စလုပ်ရင် မိနစ်၃၀နဲ့စပြီး ဆက်နေနိုင်ရင်တော့ ၃-၄နာရီနေပြီး  ၁နာရီနား  ပြီးရင်ပြန်မှောက်  ပ...
Post a Comment
Read more

Covid နဲ့ အဖျား

 လူနာတွေရဲ့ မဆုံးနိုင်သော complaint က အဖျားမကျဘူးဆိုတာပါပဲ အဖျားတက်ရတယ်ဆိုတာက ခန္ဓာကိုယ်ထဲ ဝင်နေတဲ့ပိုးနဲ့ ကိုယ်ခံအားတို့ တိုက်ကြရာကနေ ထွက်လာတဲ့ ပဋိပစ္စည်းတွေကြောင့် ဖြစ်ရတဲ့ လက္ခဏာပါ။ အဖျားပဲ မဟုတ်ဘူး ချောင်းဆိုးတာ လည်ချောင်းနာတာ ကိုယ်လက်ကိုက်ခဲတာ စတဲ့ လက္ခဏာတွေ အားလုံးက အဲ့ဒါကြောင့်ပဲ ဖြစ်တာ။ ကျနော်တို့သောက်ခိုင်းနေတဲ့ဆေးတွေက အဲ့လက္ခဏာတွေ သက်သာအောင်ပေးတာပါ။ ဥပမာ Paracetamol သည် အဖျားကျဆေးပါ အဖျားပျောက်ဆေး မဟုတ်ပါ ဖျားတဲ့အချိန်သောက်ရင် အဖျားကျပါမယ် ပြီးရင်တော့ ပြန်တက်ပါမယ်။ အချို့တွေက ဆေးထိုးလို့ရလား မေးပါတယ်။ ဟုတ်ကဲ့ ထိုးလိုက်တဲ့အချိန် အဖျားကျပါမယ် ပြီးရင်.ပြန်တက်ပါမယ် ထိုးတာများလွန်းရင် အစာအိမ်နာတာပါ အဆစ်ရပါမယ်။ ထမင်းစားလို့ အဖျားတက်တယ်ဆိုတာလဲ မဟုတ်ပါဘူး။ မယုံရင် ဘာမှမစားပဲနေကြည့်ပါ အဖျားတက်ရမယ့်အချိန်ရောက်ရင် တက်လာပါလိမ့်မယ်။ သူများတွေ ဟိုဆေးဒီဆေးသောက်တာ ပျောက်သွားတယ်ဆိုတာ ဆေးကြောင့် ပျောက်တာမဟုတ်ပဲ သူ့ကိုယ်ခံအားက ကောင်းလို့ ပျောက်တာပါ။ ဆိုတော့ကာ အဲ့လက္ခဏာတွေအားလုံး ဘယ်အချိန်သက်သာမလဲဆိုတော့ ပိုးကို သတ်နိုင်တဲ့ အချိန်မှာ သက်သာပါမယ်။ ကိုဗစ်က ဗိုင်းရပ်စ်ကြောင့် ဖြစ်တဲ့ရောဂါဖြစ်တဲ့...
Post a Comment
Read more