Oxygen , oxygen therapy နှင့် Covid-19 ( အပိုင်း ၃ )

4) Oxygen Concentrators 

Oxygen စက် 

 ပတ်ဝန်းကျင်မှာရှိတဲ့ ကျွန်တော်တို့ ရှူနေတဲ့လေထဲမှာ oxygen က 21% လောက်ပဲ ပါတယ်။

Oxygen Concentrator ဆိုတာ အဲ့ဒီ 21% oxygen ပါတဲ့ လေကို 95% ဝန်းကျင် oxygen ပါတဲ့ လေဖြစ်အောင် ပြုလုပ်ပြီးထုတ်ပေးတယ်။

Oxygen Concentrator ကို Power ပေး ခလုတ်လေးဖွင့်ပြီး Oxygen ရှူရုံပါပဲ။

Oxygen Concentrator တွေမှာ အမျိုးမျိုးရှိပါတယ်။

အကြမ်းမျဉ်းခွဲရင် 

Medical  Grade ဆေးဘက်သုံး  နဲ့ 

Non-Medical Grade အရပ်ဘက်သုံးပါ။

ဒီ ၂ မျိုးက ဘာကွာလဲ ဆိုတော့ စောစော ပြောထားတဲ့ purity ပါ။

Medical grade ဆေးဘက်သုံးတွေမှာ Purity ( ထုတ်ပေးတဲ့ လေထဲမှာ Oxygen ဘယ်လောက် ရာခိုင်နှုန်းပါသလဲဆိုတာ ) oxygen ပါဝင်နှုန်းက 93% လောက်ထိ ရှိပါတယ် 

Flow rate ဘယ်လောက် တိုးတိုး 90- 93% လောက်တော့ ပါနိုင်ပါတယ် 

ဒါပေမယ့် Non medical grade အရပ်ဘက်သုံး စက်တွေမှာတော့ 

Flow rate ပါ် မူတည်ပြီး Purity ကွာသွားပါတယ်။

Flow rate (L/min ) များလေလေ purity ကျလေလေ Oxygen ပါဝင်နှုန်း နည်းလေလေပါပဲ။

1L/min မှာ 93% လောက်ပါပေမယ့် 

5L/ min ဆိုရင် 40% လောက်ပဲ ပါပါတော့တယ်။

8L/min ဆိုရင်တော့ 30 % ဝန်းကျင်ပဲ ရှိတော့လို့ လေရှူနေတာနဲ့ သိပ်မကွာတော့ပါဘူး။ 

ဒါကြောင့် non medical grade အရပ်ဘက်သုံး ကို လူနာတွေအတွက် မသုံးခိုင်းပါဘူး။ 

နောက် အရပ်ဘက် သုံး တွေက ရောဂါပိုး ဝင်တတ်ပါတယ်။ 

Black fungus ( mucormycosis ) လို့ ခေါ်တဲ့ အင်မတန် ပြင်းထန်တဲ့ မှိုပိုး ဟာ 

Purity နဲတဲ့ non medical grade concentrator တွေတဲ့ ဆက်စပ်နိုင်တယ်လို့ ဆိုပါတယ် ( India မှာ တအား ဖြစ်နေတာပါ ) 

ဒါကြောင့် ဝယ်တဲ့ အခါ သေချာ မေးစမ်းပြီး ဝယ်ဖို့ လိုပါတယ်။ 

( oxygen concentration ဆိုတာကို ကြည့်ပါ။

Non medical grade တွေက range နဲ့ 30-90 % စသဖြင့် ပြလေ့ ရှိပါတယ် )။ 

Medical grade concentrator တွေမှာ အများစုက အများဆုံး 5L/min ပဲ ပေးလို့ရတဲ့ စက်တွေ ဖြစ်ပါတယ်။ 

10L/min ထိ ပေးလို့ ရတဲ့ စက်တွေလည်း ရှိတော့ ရှိပါတယ်။

အများစုက 5L/min ဖြစ်တဲ့ အတွက် Covid လူနာ နဲ့ သိပ်မကိုက် ပါဘူး။ 

Covid လူနာတွေ oxygen လိုလာပြီ ဆိုရင် တခါတလေ များများ ပေးရတတ်ပါတယ် 7-10 L နောက် အဲ့ထက် ပိုလိုလာတာ လည်း ဖြစ်နိုင်ပါတယ်။ 

ဒါကြောင့် concentrator တွေကို cylinder oxygen အိုး ကုန်ပြီး လဲဖို့ စောင့်နေတဲ့ အချိန်မှာ ပို သုံးကြတယ်။ 

Target oxygen level ( 92-96%) ရောက်ဖို့ အရေးကြီးပါတယ်။ 

Concentrator ပေးလို့ အဲ့ level ရောက်နိုင်ရင် သုံးလို့ ရပြီး 

မရောက်ရင်တော့ မသုံးသင့်ပါဘူး။

Credit