Covid နှင့် နှလုံးခုန်နှုန်း

အောက်ဆီဂျင်တင် အရေးကြီးတာမဟုတ်ဘူး။ Heart rate လေးပါ သတိထားကြည့်ကြပါ။

Day 5-6 လောက်မှာ SpO2 94 အထက်ရှိနေပေမဲ့ နှလုံးခုန်နှုန်း ၁၀၀ ကျော်လာတာဟာ သေချာ အနီးကပ်စောင့်ကြည့်ရမဲ့ လက္ခဏာပါ။ 

အဲ့လိုလူတွေမှာ ၇ ရက်ကနေ ၁၄ ရက်မြောက်အတွင်း Cytokines storm အချိန်မရွေးဝင်နိုင်ပြီး ရုတ်တရက် အောက်ဆီဂျင်ပြုတ်ကျသွားတတ်ပါတယ်။ 

အဲ့ဒီတော့ Day 5-6 လောက်မှာ အောက်ဆီဂျင်ကောင်းတယ်၊ အဖျားလည်းမရှိ၊ မောလည်းမမောပေမဲ့ နှလုံးခုန်နှုန်းတက်နေပြီဆိုရင် ပထမဆုံးလုပ်ရမှာက 

- အောက်ဆီဂျင် ဆလင်ဒါ ၂ လုံး၊ Concentrator ရရင်တစ်လုံး ဆောင်ထားပါ

- အွန်လိုင်းမှာ ဆွေးနွေးပေးနေတဲ့ ဆရာဝန်တွေ သမားတော်ကြီးတွေ ရှိပါတယ်၊ စုံစမ်းပြီး သူတို့နဲ့ အခြေအနေတိုင်ပင်ထားပါ။

- Dexamethasone ဆေးကိုကြိုဝယ်ထားပါ။ (သောက်ဖို့အတွက် ဆရာဝန် ညွှန်ကြားတာကိုစောင့်ပါ) 

- Enoxaparin (ထိုးဆေး 40 mg ) ကြိုဝယ်ထားပါ။( ဆရာဝန်ညွှန်ကြားတာကိုစောင့်ပါ) 

- ဆီးချိုသမားတွေ ဆီးချိုထိန်းပါ။

- ခန္ဓာကိုယ်ထဲမှာ ရောင်ရမ်းတာတွေအတွက် ငါးကြီးဆီကကောင်းပါတယ် တနေ့ ၂ လုံးသောက်ပါ။ Vitamin C 500 Mg တနေ့ ၂ လုံး သောက်ပါ။

- နီးစပ်ရာ အောက်ဆီဂျင်ဖြည့်ရမယ့်နေရာ၊ တက်လို့ရမယ့်ဆေးရုံနေရာ၊ အိမ်လာကြည့်ပေးနိုင်မယ် ဆရာဝန် သူနာပြုတို့နဲ့ ချိတ်ဆက်ထားပါ။

အဓိက အသက် ၅၀ ကျော်တွေ၊ ဝ တဲ့သူတွေ၊ ရောဂါအခံရှိတဲ့သူတွေ အဲ့လိုအချိန်မှာ နေလို့မမောပေမဲ့ လူမမာလို တရာအားထုတ်နေတဲ့သူလိုပဲ နေရပါမယ်။ လှုပ်လှုပ်ရှားရှားမလိုအပ်ရင် မလုပ်ပါနဲ့။ 

အသက်ရှူလေ့ကျင့်ခန်းများများလုပ်ပါ။

အားလုံးရောဂါဘေး၊ ဒုဗ္ဘိက္ခဘေးတို့မှ အမြန်ဆုံးကင်းလွတ်ကြပါစေ။