တရုတ်ဆေး 连花清瘟胶囊 အကြောင်း

 တရုတ်ဆေး Lianhua Qingwen Jiaonang က Covid-19 အတွက်သောက်သင့်သလားလို့ မေးကြပါတယ်။
连花清瘟胶囊 အကြောင်းအနည်းငယ်ရှင်းပြပါမယ်။

ကျနော်အမြင်အရ အဲ့ဒီဆေးဟာ ကိုဗစ်ရောဂါလက္ခဏာကို (အတိုင်းအတာတစ်ခုအထိ) သက်သာစေပါတယ်။
သို့သော် Covid-19 ရောဂါကုသဆေးလို့ #လုံးဝမယုံကြည်ပါဘူး။ ဘာဖြစ်လို့လဲဆိုရင် အဲ့ဒီဆေးသောက်လို့ Covid-19 ပျောက်ပါတယ်လို့ လုံးဝသက်သေမပြနိုင်ပါ။
ဒါပေမယ့် Covid-19 ဖြစ်ရင် symptoms ရောဂါလက္ခဏာသက်သာစေတယ်မလားလို့မေးရင် အဲ့ဒီတရုတ်ဆေးဟာ တုပ်ကွေးရောဂါလက္ခဏာကို (အတိုင်းအတာတစ်ခုအထိ) သက်သာစေတယ်လို့ သုသေသနတွေရှိပါတယ်။
အဲ့ဒါကြောင့် တုပ်ကွေးလက္ခဏာနဲ့ဆင်တူခံစားရတဲ့ ကိုဗစ်လူနာတွေမှာ အဲ့ဒီဆေးကိုတရုတ်ပြည်မှာပေးကြတာပါ။
ဒါပေမယ့် ချောင်းဆိုးတာ၊ နှာစေးတာ၊ အဖျားတက်တာ အဲ့ဒီရောဂါလက္ခဏာတွေ သက်သာတာမငြင်းနဲ့လေလို့ပြောလာရင် ကျနော်ပြန်မေးပါမယ်။ 
အဲ့ဒါတွေသက်သာချင်လို့ ပါရာစီတမောသောက်ရင် - ကိုယ်ပူကျမယ်။ Cetirizine လို antihistamine ဆေးတစ်ခုခုသောက်ရင် နှာရည်ယိုသက်သာမယ်၊ ချောင်းဆိုးသက်သာဆေးလည်းရှိတာပဲ။
အဲ့ဒါတွေက Covid-19 ပျောက်ဆေး #ကုသဆေးမှမဟုတ်တာ။ ပြီးတော့အဲ့လို ရောဂါလက္ခဏာအောင်တစ်ခုတည်းကြည့်ပြီး မသောက်ရမယ့်အခြေအနေတွေရှိတယ်။ ကျနော်မှားရင်ပြော။
အဲ့ဒီတော့ ရောဂါလက္ခဏာသက်သာတယ်ဆိုပြီး အားကိုးတကြီးစွတ်မသောက်လေနဲ့။
ဘာလို့လဲ❓
ကိုယ့်သဘောနဲ့ ကိုယ်သောက်လို့ #အသည်းပျက်စီးတဲ့ ကိစ္စတွေရှိတယ်။ အောက်ကလင့်မှာဖတ်ကြည့်။
http://www.cadrj.com/EN/abstract/abstract3860.shtml#
Anaphylaxis and liver damage induced by Lianhuaqingwen capsules (连花清瘟胶囊)
စင်ကာပူမှာ brain tumor လူနာကို ဆရာဝန်တွေကကုသတာ အောင်မြင်ပြီးတော့မှ လူနာကတရုတ်တိုင်းရင်းဆေးသွားသောက်ပြီး အသည်းပျက်စီးပြီး ဆုံးသွားတဲ့သတင်းဖတ်ဖူးတယ်။ ဒီလင့်မှာကြည့်။
အသည်းဆိုတာအရမ်းအရေးကြီးတယ်။
ဒါဆိုရင် ဒီဆေးမကောင်းဘူးလို့ပြောတာလား❓
နွယ်မြက်သစ်ပင်ဆေးဖက်မဝင်တာဘယ်ရှိမှာတုံး။ "သုံးတတ်ရင်ဆေး - မသုံးတတ်ရင်ဘေး" ပဲလေ။
သူ့ကောင်းကျိုးတွေကို အောက်ကလင့်ထဲကစာတမ်းမှာ တရုတ်ပညာရှင်တွေကပြောထားတာရှိတယ်။ 
Link
အဲ့ဒီတော့ Covid-19 အတွက်ဆေးအဖြစ်ဆောင်ထားမယ်ဆိုရင် တကယ့်တရုတ်တိုင်းရင်းဆေးပညာရှင်ကို မေးပြီးမှသောက်ပါလို့ အကြံပေးပါတယ်။
Covid အတွက်သုံးရင် အစာလမ်းကြောင်းနဲ့ အသည်းရဲ့လုပ်ငန်းဆောင်တာတွေကို လစ်လျူမရှုနဲ့လို့ အောက်ကစာတမ်းကဆိုတယ်။
Click here to read
ဟာ ... ဖိလစ်ပိုင် FDA ကအသိအမှတ်ပြုထားတယ်လို့ ပြောရောင်းကြတာပဲလေ။
ကျနော်ပြောမယ်။ အဲ့လို သတင်းတွေမှာတွေ့ရလို့ ဖိလစ်ပိုင် FDA မှာသွားဖတ်တော့ #သတိပေးစာထုတ်ထားတာရှိတယ်။
သူတို့တရားဝင်အသိအမှတ်ပြုမထားဘူးတဲ့။ #ကိုယ်ဖြစ်ကိုယ်ခံတဲ့။ 
ဟာ ... စင်ကာပူ HSA က ရောင်းခွင့်ပြုထားတယ်မလား❓
စင်ကာပူ HSA က တရုတ်တိုင်းရင်းဆေး TCM တစ်ခုအဖြစ်ရောင်းခွင့်ပြုထားတာလေ။ 
Covid-19 အတွက်ဆေးအဖြစ်အသိအမှတ်ပြုထားတာမှမဟုတ်တာ။
အဲ့ဒီတော့ သောက်မယ်ဆိုရင် #တရုတ်တိုင်းရင်းဆေးဆရာကိုသေချာမေးသောက်ပါ။ သုံးတတ်ရင် နှာစေးချောင်းဆိုးသက်သာမှာတော့ သေချာပါတယ်။ 
Covid-19 ကို ရောဂါပျောက်ကင်းအောင်ကုသနိုင်တဲ့ဆေး "လုံးဝ" မဟုတ်ပါဘူး။

Credit