မှောက်အိပ်တယ်ဆိုတာ

လူကောင်းတယောက် ပက်လက်အိပ်တဲ့အခါ လျှာက အနောက်ဘက်ကို လျှောကျပြီး အသက်ရှုလမ်းကြောင်း ကျဉ်းသွားတယ်။ အဲဒီအခါ ဟောက်သံထွက်လာလို့ ကိုယ်လည်း အသက်ရှုမဝ၊ ဘေးလူလည်း အိပ်မရ ဖြစ်တယ်။ 
(sleep apnoea)
နေမကောင်းတဲ့ နှာစေးချောင်းဆိုးဖြစ်တဲ့အခါ ပက်လက်အိပ်ရင် နှာခေါင်းထဲက အရည်က အတွင်းဘက် အောက်ဖက်ကို စီးကျတယ်။
Posteria Nasal Drop လို့ခေါ်တယ်။ အဲဒီအခါ ချောင်းဆိုးတော့ အိပ်မရပြန်ဘူး။
နေကောင်းသည်ဖြစ်စေ နေမကောင်းသည်ဖြစ်စေ ကျွန်တော်က မှောက်အိပ်တတ်တဲ့ အကျင့် ရှိပြီးသားပါ။
စံနစ်တကျ အိပ်တတ်ရင် အဆင်ပြေပါတယ်။
ခု Covid လူနာကို မှောက်အိပ်ခိုင်းတော့ အဆင်မပြေ မအိပ်တတ် အုန်းလွဲတယ်ဆိုတာတွေ တွေ့ရတယ်။
ခေါင်းအုံးကို ရင်ဘတ်အောက်တည့်တည့် ထားရပါတယ်။
"ဗိုက်နေရာအထိ မရောက်ရပါဘူး'။ 
ရင်ဘတ်က မြင့်ပြီး ဗိုက်က နိမ့်ရပါတယ်။
ဒါမှ ဝမ်းတွင်းကလီစာတွေဟာ အောက်ဘက်ကို ရွေ့သွားပြီး
ရင်ခေါင်းမြှေး Diaphragm ကို အပေါ်ဘက် တွန်းမထားနိုင်တော့ပါ။
အဆုတ်ရဲ့ လွတ်လပ်စွာ ကျယ်ပြန်နိုင်ခွင့် ပိုရပါတယ်။
(ပက်လက်မှာ ကလီစာ viscera တွေဟာ သွေးပြန်ကြောမကြီး inferior vena cava ကို ဖိထားတာမို့ မှောက်ထားရင် ဒီဖိအား သက်သာပါတယ်။)
နောက်ခေါင်းအုံးတခုကိုတော့ နဖူးနား နှာခေါင်းအလွတ်နေရာမှာ  ခေါက်ထားပါတယ်။ ပုံအတိုင်းပေါ့။ 
နှာခေါင်းဟာ ဖိမိမနေတဲ့အတွက် nasal pronge, mask တို့ ပုံမပျက်ဘဲ အောက်စီဂျင် ရှုနိုင်ပါတယ်။ ခေါင်းစောင်းစရာ မလိုလို့ အုန်းလွဲတာ မဖြစ်သလို posteria Nasal Drop လည်း မရှိတော့ပါ။
လက်ကတော့ အပေါ်ဘက် ခေါင်းအုန်းပေါ်ဖြစ်ဖြစ် ခေါင်းအုန်းဘေးဖြစ်ဖြစ်  ထားတဲ့အခါ ပုခုန်း shoulder joint ဟာ ပုံမှန် သက်တောင့်သက်သာ ဖြစ်ပါတယ်။ 
တခ်ိျန်တည်းမှာ လက်ကို မြေှာက်ထားတဲ့အတွက် total lung capacity ကြီးလာတယ်။ အဆုတ်ကျယ်ပြန့်မှုရှိလို့ လေဝင်ဧရိယာ ပိုကောင်းလာပါတယ်။
ဘေးကို မြှောက်ပြီး ကားထားလို့ ရပါတယ်။ ဒီ၂ခုမှာ ကိုယ်သက်တောင့် သက်သာဖြစ်ဖို့ ကြွက်သားတွေ တင်းမနေဘဲ ဖြေလျော့နေတဲ့ အနေအထားကို စိတ်ကြိုက် ပြင်ယူနိုင်ပါတယ်။
ဆန့်ပြီး ဘေးချထားတာကတော့ anatomical position မဟုတ်လို့ အဆင်မပြေပါ။ total lung capacity လည်း များမလာပါဘူး။
ခါးဘေးအထိ ဆန့်ပြီး ချထားတဲ့အခါ လက်ဖမိုး မှောက်သည်ဖြစ်စေ လှန်သည်ဖြစ်စေ ထားရတာမို့ လက်လိမ်နေတဲ့ အနေအထားမှာ  ကြွက်သားတွေ တင်းပြီး အချိန်အနည်းငယ်အတွင်းမှာ disconfort ရတတ်ပါတယ်။
ဖြေထောက်မှာ ထားရတဲ့ ခေါင်းအုန်းက ဒူးခေါင်း အနည်းငယ်ကွေးစေဖို့ပါ။ ဒူးခေါင်းက အဆန့်နေရတဲ့အခါ ခန္ဓာကိုယ် တည်ဆောက်ပုံအရ အနည်းငယ်လည်ပြီး lock position ဖြစ်တယ်။ ကြာရင် ဒူးနာပါတယ်။ 
အနည်းငယ်ကွေးထားတဲ့အခါ unlock posionဖြစ်ပြီး သက်သာသလို ခြေဖျားတွေဟာ ဘေးကို လိမ်ပြီး ချထားသလို မဖြစ်ဘဲ အလိုက်သင့် ဖြေလျှော့နေတဲ့ position ပါ။
လူတယောက် အိပ်တယ်ဆိုတာ ရှိတဲ့ ကြွက်သားတွေ ဖြေလျှော့တဲ့ အနေအထား resting position မှ အိပ်ပျော်တာပါ။
ကိုယ်တိုင် မှောက်အိပ်ကြည့်လိုက်စမ်းပါ။
Credit Dr. Maung Maung Myint