ကိုဗစ်−၁၉ ၊ ဒက်စာမီတာဇုံးဆေး၏ ဘေးထွက်ဆိုးကျိုးများ

ကိုဗစ်−၁၉ မှာ အသုံးပြုတဲ့ ဒက်စာမီတာဇုံး (Dexamethasone)ဆေးဟာ ဘေးထွက်ဆိုးကျိုးများလည်း ပြင်းထန်နိုင်တာကြောင့်မိဘပြည်သူများ ရှောင်ရှားနိုင်ရန် အလို့ငှာရေးသားလိုက်ပါတယ် ခင်ဗျာ။

.

သုတေသနတွေ့ရှိချက်တွေအရ ဒက်စာမီတာဇုံး (Dexamethasone)ဆေးဟာတချို့ လူနာတွေမှာသေဆုံးမှုနှုန်းကို လျော့ကျစေနိုင်ပါသည်။

.

သို့သော် .. အသုံးပြုသင့်သည့် လူနာ အုပ်စု (၂) စုမှာ

၁။ အောက်စီဂျင် ရှူနေရသူများ

၂။ အောက်စီဂျင် အမှန်တကယ် လိုအပ်နေသူများ (သို့သော် အကြောင်းအမျိုးမျိုးကြောင့် အောက်စီဂျင် မရရှိနိုင်ခြင်း) ဖြစ်ပါတယ်။

. 

ကိုဗစ်ရောဂါနဲ့  ဘေးထွက်ဆိုးကျိုးနှိုင်းယှဉ်လျှင် လူနာသက်သာစေမယ်ဆိုပါက ဆရာ၀န် ညွှန်ကြားချက်အတိုင်း 

အသုံးပြုရမှာ ဖြစ်ပါတယ် ခင်ဗျာ။

.ဖြစ်နိုင်ခြေ ဘေးထွက်ဆိုးကျိုးများ

.

ရေတိုအသုံးပြုလျှင်...

• ခြေ၊လက် ရောင်ရမ်းခြင်း (fluid retention)
• သွေးတိုးခြင်း (high blood pressure)
• စိတ်အတက်၊ အကျဖြစ်ခြင်း (mood swings)
• အစာအိမ်နာခြင်း(upset stomach)
• ဝက်ခြံထွက်ခြင်း(acne)
• ဆီးချို၊ သွေးချိုတက်ခြင်း (ဆီးချို ရှိသူများတွင်) (high blood sugar)

.

ရေရှည်အသုံးပြုလျှင်.. 

• မျက်လုံးအိမ်တွင် ဖိအားများခြင်း (glaucoma)
• ရေတိမ်ဖြစ်ခြင်း (cataracts)
• ဆီးချိုတက်ခြင်း (high blood sugar)
• အရိုးပွခြင်း (osteoporosis)
• အခြားရောဂါပိုးများ ၀င်ရောက်နိုင်ခြင်း (immunosuppression)
• ပင်ပန်းနွမ်းလျခြင်း (fatigue)
• အဆီများ စုပုံလာခြင်း (မျက်နှာ၊ ပခုံး၊ ဝမ်းဗိုက်) (moon face)

.

ဒီလို ဘေးထွက်ဆိုးကျိုးများရှိနိုင်တာကြောင့် 

ဒက်စာမီတာဇုံး (Dexamethasone)၊

ပရက်နီဆိုလုံး (Prednisolone)ဆေး တို့ကို

ဆရာဝန်နှင့် တိုင်ပင်ပြီးမှသာ အသုံးပြုကြဖို့ အလေးအနက် တိုက်တွန်းလိုက်ပါသည် ခင်ဗျာ။

.

ကိုဗစ်−၁၉ ရောဂါမှ အမြန်ဆုံးကင်းလွှတ်ပါစေ ခင်ဗျာ 🙏🙏🙏

လေးစားစွာဖြင့် 

Dr. ကျော်ဇောဟိန်း (၉.၇.၂၀၂၁) 

Special thanks to Dr. Phyu Nwe 

Ref: 

* National Institute for Health and Care Excellence (NICE)

* Mayo Clinic