ကိုဗစ်ကူးစက်ခြင်းဆိုင်ရာမေးခွန်းများ (27.7.21)

1.🚩🚩🚩 အခု covid က 21 ပေ အထိ ပြန့်နိုင်တယ်ဆိုတာ ဟုတ်ပါသလား။

2.🚩🚩🚩 ခုပိုးကလေထဲကနေကူးနိူင်လားရှင့် တယောက်နဲ့တယောက်ဘယ်လောက်အကွာကနေဆိုစိတ်ချရလဲ

ဖြေ - ကိုဗစ်သည် ၂၁ပေအထိ ပြန့်နိုင်သည်ဆိုသည်မှာ #မဟုတ်ပါ။ CDC ၏ ဂျူလိုင် ၂၀၂၀ ထုတ် ဂျာနယ်တစ်ခုတွင် တရုတ်နိုင်ငံ၊ ဝူဟန်မြို့၊ Huoshenshan ဆေးရုံတွင်ပြုလုပ်သည့် ဆေးရုံအတွင်း ကိုဗစ်ပြန့်ပွားမှုကိုသိရှိရန် ပြုလုပ်သော လေ့လာမှုတစ်ခုအရ ကိုဗစ်ပိုးသည် လေထဲတွင် ၁၃ပေထိပြန့်နိုင်သည်ဟုခန့်မှန်းကြသည်။ သို့သော် ထိုလေ့လာမှုသည် မျက်နှာပြင်များပေါ်တွင် အသက်ရှင်နေသောပိုးကောင်ရေပမာဏမည်မျှရှိသည်ကိုမရှာဖွေနိုင်သလို ကိုဗစ်ပိုးပြန့်နိုင်သည့် အကွာအဝေး အတိအကျကိုလည်း မပြောနိုင်ပါ။ 

ကိုဗစ်ကိုကာကွယ်ရန် ယခုအသိအမှတ်ပြုထားသော ခပ်ခွာခွာနေရမည့်အကွာအဝေးမှာ #၆ပေအကွာဖြစ်ပါသည်။

3.🚩🚩🚩 Positiveဖြစ်ပြီး ကောင်းသွားရင်ရော carrierဖြစ်နိုင်ပါသလားရှင်။

4.🚩🚩🚩 မင်္ဂလာပါရှင် ကိုဗစ်က ဖြစ်ပီးသွားသူက နောက်တချိန် ထပ်မံကူးစပ်ခံရနိုင်တယ်.. ဒါပေမဲ့ နောက်တကြိမ်ကြရင် ပထမအကြိမ်က ဝေဒနာလောက်မခံစားရတော့ဘူးဆိုတာမှန်ပါသလားရှင်.. သေဆုံးနိုင်တဲ့အထိရော မဖြစ်နိုင်တော့လားသိပါရစေ

5.🚩🚩🚩 အိမ်မှာ တမိသားစုလုံး ဖြစ်ပြီး တဲ့သူတွေ ရှိသလို ဖြစ်နေဆဲလူတွေရှိပါတယ် သီးသန့်လဲ နေလို့ အဆင်မပြေကြတော့ပါဘူး ကျမမှာ ကလေး ၁နှစ် ၃လသားလေးရှိလို့ပါ ကျမကတော့၁၆ရက် ကလေးနဲ့ ခွဲနေပြီး အခုအတူပြန်နေနေပါပြီ ကလေးကလဲ ၂ရက်လား ဖျားပြီးပါပြီ အိမ်ကလူတွေကနေတဆင့် ကလေးကို ထပ်ကူးနိုင်လားရှင့် ဘယ်လိုလုပ်ဆောင်ရမလဲ ရှင့်

6.🚩🚩🚩 ကျွန်မ သည် ၂-၇-၂၀၂၁ တွင်အနံပျောက်ပါသည် အိမ်တွင် ၁၄ ရက် isolate လုပ်ပြီးနေပါသည် ယခုထိ အခန်းသီးသန့်ခွဲနေပါသည် အခန်းအပြင်ထွက်ပါက marks တပ်ပါသည် ယခု ကျွန်မအမေ ၈၁ နှစ် သည် ၂၂-၇-၂၀၂၁ မှစချောင်းဆိုး နှာမွန်ပါသည် မဖျားပါ ယနေ့ထိအနံမပျောက်ပါ အမေ ကို ကူးစက်မှုရှိနိုင်ခြင်းရှိမရှိသိချင်လို့ပါဆရာ

ဖြေ - CDC ၏အဆိုအရ ကိုဗစ်ဖြစ်ပြီးပြန်ကောင်းလာသူများသည် အခြားသူများကို ပြန်လည် #မကူးစက်စေနိုင်တော့ပါ။

သို့သော် ပြန်ကောင်းလာသူများသည် နောက်တစ်ကြိမ်ပြန်လည်ကူးစက်နိုင်ခြေနည်းသော်လည်း ပြန်လည်ကူးစက်သည့်ဖြစ်စဉ်များရှိပါသည်။ ထို့သို့ ပြန်လည်ကူးစက်ခံရပါက အခြားသူများသို့ ထပ်ဆင့်ကူးစက်နိုင်ပါသည်။

ထို့ကြောင့် ပြန်လည်ကောင်းမွန်လာသူများသည်လည်း mask တပ်ခြင်း၊ လက်ဆေးခြင်း၊ ၆ပေခွာနေခြင်း၊ လက်ဖြင့် မျက်စိ နှာခေါင်း ပါးစပ်တို့ကို မထိတွေ့ခြင်း၊ လူထူထပ်သောနေရာ အလုံပိတ်သောနေရာများကို တတ်နိုင်သမျှရှောင်ကြဉ်ခြင်း စသည်တို့ကို ဆက်လက်လုပ်ဆောင်ရန် လိုအပ်ပါသည်။

နောက်တစ်ကြိမ် ကိုဗစ်ရောဂါကူးစက်ခံရပါက ပထမအကြိမ်ထက် ရောဂါပြင်းထန်မှုရှိမရှိသည် ကိုယ်ခံစွမ်းအားပေါ်မူတည်ပါသည်။

ကိုဗစ်ဖြစ်နေသူများမှတစ်ဆင့် ကလေးအားမကူးစက်စေရန် 

 -ကလေးအား နို့တိုက်စဉ်တွင် မိခင်သည် mask တပ်ရန်

-ကလေးကို မကိုင်တွယ်ခင်နှင့် ကိုင်တွယ်ပြီးတိုင်းတွင် လက်သေချာဆေးရန်

 -ကလေးထားမည့် နေရာများနှင့် အသုံးအဆောင်များကို သန့်ရှင်းရေးသေချာလုပ်ရန်

 -ကိုဗစ်ဖြစ်နေသူများသည် အတတ်နိုင်ဆုံး ကလေးနှင့် ၆ပေခွာနေရန် လိုအပ်ပါသည်။

7.🚩🚩🚩 covid ပိုးဟာ ရေထဲကနေတစ်ဆင့်ကူးပါသလား ဥပမာ covid ရောဂါရှိသူက ရေကန်ထဲဆင်းကူးပြီး တံတွေး နှပ် သလိပ် ဆီးစွန့်ထုတ်မိပြီး ရေကန်ထဲအတူရေကူးနေသူရဲ့ ပါးစပ် မျက်လုံးကနေ ၎င်းရေဝင်သွားရင် ကူးစက်နိုင်ပါသလား

ဖြေ - ယနေ့အထိ ကိုဗစ်သည် #ရေမှတစ်ဆင့်ကူးစက်သည်ဟုမတွေ့ရှိသေးပါ။ သို့သော် ရေကူးကန်၊ ရေကန်တို့တွင် လူထူထပ်နေပါက (သို့မဟုတ်) ကိုဗစ်ပိုးရှိသူနှင့် ရေကူးကန်၊ ရေကန်တို့တွင် #အနီးကပ်နေမိပါက လေထဲမှတစ်ဆင့် ကူးစက်နိုင်ပါသည်။

#CovidTransmission