ကိုဗစ်ကူးစက်ခြင်းဆိုင်ရာမေးခွန်းများ (23.7.21)

1. 🔻🔻🔻ကိုဗစ်ကယင်​ကောင်ကတစ်ဆင့်ကူးနိုင်ပါသလားခင်ဗျာ အခုချိန်ယင်​ကောင်​တွေကအရမ်း​ပေါ​နေလို့ပါ​ဖြေကြား​ပေး​စေချင်ပါတယ်ခင်ဗျာ

ဖြေ - လေ့လာစမ်းသပ်မှုတစ်ခုအရ ကိုဗစ်ပိုးသည် ယင်ကောင်၏ခန္ဓာကိုယ်ထဲတွင် ၂၄နာရီအထိရှိနေနိုင်သည်ဟုတွေ့ရှိသော်လည်း ထိုယင်ကောင်ထိတွေ့ခဲ့သောမျက်နှာပြင်ဆီမှ sample ယူစစ်ဆေးရာတွင် ရောဂါဖြစ်စေနိုင်မည့်ပိုးမတွေ့ရှိကြောင်း တွေ့ရှိရသည်။ ထို့ကြောင့် ကိုဗစ်သည် ယင်ကောင်မှတစ်ဆင့် အဓိက #ပြန့်ပွားကူးစက်ခြင်းမရှိပေ။

2. 🔻🔻🔻"အသက် ၆ နှစ်အောက်ကလေးတွေကို Covid မကူးစက်နိုင်ဘူးဆိုတာ ဟုတ်ပါသလား

ဘယ်အရွယ်ဆိုစကူးစက်နိုင်ပါသလဲ

အိမ်မှာ ၁ နှစ်သားကလေးရှိလို့ပါ"

ဖြေ - ကမ္ဘာ့ကျန်းမာရေးအဖွဲ့အစည်း ( WHO ) ၏အချက်အလက်များအရ ကိုဗစ်ဖြစ်သူများ၏ ၈.၅% သည် အသက် ၁၈နှစ်အောက် ကလေးများဖြစ်ကြသည်။ ကလေးများသည် လူကြီးများထက် 

-ကူးစက်မှုနဲခြင်း

-ရောဂါပြင်းထန်မှုနဲခြင်း 

-ကိုဗစ်ကြောင့်သေဆုံးမှုနဲခြင်း စသည့်အားသာချက်များရှိပါသည်။

 သို့သော် ကလေးများတွင် ပြင်းထန်ရောဂါဖြစ်သည့်ဖြစ်စဉ်များလည်း အနည်းငယ်ရှိသည်။ ထို့ကြောင့် လူကြီးများ၏ကြီးကြပ်မှုဖြင့် ကလေးအား mask တပ်ပေးခြင်း ( အသက် ၆ နှစ်ကျော်မှ mask တပ်ပေးရန် WHO မှအကြံပြုထားသည် )၊ လက်မကြာခဏဆေးခြင်း၊ ၆ပေခွာနေခြင်း ၊ လူထူထပ်သောနေရာများ အလုံပိတ်အဆောက်အအုံများကို တတ်နိုင်သမျှ ရှောင်ကြဉ်ခြင်း စသည့် ကာကွယ်မှုများလုပ်ဆောင်ရန်လိုအပ်ပါသည်။

3. 🔻🔻🔻Positive ဖြစ်ပီး ဘယ်နှစ်ရက်နေမှပိုးက သူများကို မကူးစက်နိုင်တာလဲ ။ ပိုးစတွေ့ပီး ၃ ရက်မှာ အနံအရသာ ပြန်ရ ပါတယ် အခု၁၄ ရက်ထိ အနံအရသာပြန်ရနေပါပီ ။ Public areaကို ဘယ်နှစ်ရက်နေမှ ထွက်သင့်လဲ ။ မိမိအိမ်ထဲ မှာရော ပိုးမကူးစက်နိုင်တော့ဘူးလား။

ဖြေ - #ရောဂါလက္ခဏာရှိသူတွင် ပထမဆုံးရောဂါလက္ခဏာ စပေါ်သည့်ရက်မှစ၍ အနည်းဆုံး ၁၀ရက်အပြင် 

- ကိုယ်ပူကျဆေးမသောက်ဘဲ ကိုယ်ပူမရှိတာ ၂၄နာရီပြည့်ပြီး

-အခြားရောဂါလက္ခဏာများ သက်သာလာလျှင် သီးသန့်နေထိုင်ခြင်းပြီးဆုံးနိုင်သည်။

#ရောဂါလက္ခဏာမရှိသူတွင် ကိုဗစ်ဓာတ်ခွဲစစ်ဆေးမှု positive ဖြစ်လျှင် ဓာတ်ခွဲမှုအဖြေစထွက်သည့်နေ့မှ အနည်းဆုံး ၁၀ရက်ပြည့်လျှင် သီးသန့်နေထိုင်ခြင်းပြီးဆုံးနိုင်သည်။ ဆရာဝန်ညွှန်ကြားသည်မှအပ အများစုသည် ပြန်လည် ဓာတ်ခွဲစစ်ဆေးမှုပြုလုပ်ရန် မလိုအပ်ပါ။

#ရောဂါလက္ခဏာမရှိသူသည် ရောဂါလက္ခဏာပေါ်လာပါက လက္ခဏာစပေါ်သည့်ရက်မှ စ၍ အပေါ်တွင်ဖော်ပြထားသည့် #ရောဂါလက္ခဏာရှိသူ သီးသန့်နေထိုင်ရမည့်အချက်များအတိုင်း ပြန်လည်နေထိုင်ရန် လိုအပ်ပါသည်။

#ကိုဗစ်ပြင်းထန်ရောဂါခံစားနေရသူ နှင့် ကိုယ်ခံစွမ်းအားကျရောဂါရှိသူတို့တွင် ရက်၂၀ထိ ရောဂါကူးစက်စေနိုင်သေးသည်။

မိမိအိမ်ထဲတွင်နေထိုင်သော်လည်း အပြင်မှပြန်လာသောအိမ်သားတွင် ကိုဗစ်ပိုးရှိပါက ကူးစက်နိုင်သည်။ သူစိမ်းများအိမ်လည်လာလျှင်လည်း ထိုသူတွင် ပိုးရှိပါက ကူးစက်နိုင်ပါသည်။

4. 🔻🔻🔻အိမ်တအိမ်ထဲမှာ ၁၀ဦးအနက် ၁ဦး positive ဖြစ်ပါတယ်။ ၁၅ ရက်ပြည့်ပြီးသက်သာသွားပါပြီ။ အကယ်၍ ထို positive ထွက်ခဲ့သူ အပြင်သွားလာပြီး ပြန်လာပါက ထိုသူသည် ပိုးသယ်ဆောင်သူဖြစ်နိုင်ပါသလား။ သူ့ထံမှ ကူးစက်မှု အခြား ကျန် ၉ဦးသို့ ရောက်ရှိနိုင်ပါသေးသလား သိပါရစေ။

ဖြေ - ကိုဗစ်ဖြစ်ပြီး ပြန်လည်ကောင်းမွန်လာသူများတွင် နောက်တစ်ကြိမ်ပြန်လည်ကူးစက်မှုနည်းသော်လည်း #ပြန်လည်ကူးစက်သည့်ဖြစ်စဉ်များလည်းရှိပါသည်။ ကိုဗစ်ဖြစ်ပြီးနောက် ထွက်ပေါ်လာသော ကိုယ်ခံစွမ်းအား၏  လုပ်ဆောင်နိုင်စွမ်း နှင့် မည်မျှကြာကြာရှိနိုင်မည်ကို လေ့လာနေကြဆဲဖြစ်သည်။ 

ထို့ကြောင့် ပြန်လည်ကောင်းမွန်လာသူများသည် နောက်တစ်ကြိမ်ပြန်လည် မကူးစက်စေရန် mask တပ်ခြင်း၊ မကြာခဏ လက်ဆေးခြင်း၊ ၆ပေခွာနေခြင်း၊ လူထူထပ်သောနေရာများကို တတ်နိုင်သမျှ ရှောင်ကြဉ်ခြင်း၊ လက်ဖြင့် မျက်စိ၊ နှာခေါင်း၊ ပါးစပ်တို့ကို မထိတွေ့ခြင်း စသည့် ကာကွယ်ခြင်းနည်းလမ်းများကို ဆက်လက်လုပ်ဆောင်ရပါမည်။

5. 🔻🔻🔻Covid ကူးစက်လို့ပျောက်သွားပြီး နောက်တစ်ကြိမ်ထပ်ကူးစက်ရင် ရောဂါပိုခံနိုင်ရည်ရှိလား ဒါမှမဟုတ် ပထမတစ်ကြိမ်ထက် ပိုစိုးရိမ်ရလားဗျ

ဖြေ - နောက်တစ်ကြိမ် ပြန်လည်ကူးစက်နိုင်ပါသည်။ ပိုစိုးနိုင်မှုရှိမရှိသည် ကိုယ်ခံစွမ်းအားပေါ်မူတည်ပါသည်။

6. 🔻🔻🔻Virus ကမျက်လုံးထဲကဝင်လား ဘယ်လိုဝင်လဲ

ဖြေ - ကိုဗစ်ရောဂါရှိသောသူ နှာစေး၊‌ ချောင်းဆိုးရာမှ ထွက်လာသော အမှုန်အမွှားများ မျက်လုံးထဲဝင်ရာမှတစ်ဆင့်သော်လည်းကောင်း၊ ကိုဗစ်ပိုးရှိသောလက်ဖြင့် မျက်စိကိုကိုင်တွယ်မိလျှင်သော်လည်းကောင်း ကိုဗစ်ကူးစက်နိုင်ပါသည်။ သို့သော် မျက်နှာအကာ face shield ကို လူထုကြား တပ်ဆင်ရန် လိုမလိုကို လေ့လာနေကြဆဲဖြစ်သည်။ လက်ဖြင့် မျက်စိ၊ နှာခေါင်း၊ ပါးစပ်တို့ကိုတော့ မထိတွေ့ရန် အကြံပြုထာားပါသည်။

#CovidTransmission